Amierykanka naradziła dźviuch dziaŭčynak, jakich vynasiła ŭ roznych matkach
Amierykanka Kiełsi Chetčer naradziła dźviuch dziaŭčynak, jakija padčas ciažarnaści znachodzilisia ŭ roznych matkach. Roksi naradziłasia 20 śniežnia, Rebieł — 21-ha. Pra hetuju niezvyčajnuju ciažarnaść stali aktyŭna pisać paŭtara miesiaca tamu.
Chetčer z 17 hadoŭ viedała pra toje, što ŭ jaje jość redkaja anatamičnaja asablivaść — poŭnaje padvajeńnie matki (uterus didelphys), pryčym kožnaja z matak maje znosiny sa svaim jaječnikam. Hety stan sustrakajecca ŭ adnoj žančyny z troch tysiač (ale, mahčyma, čaściej).
Lekary papiaredzili dziaŭčynu, što ŭ jaje vypadku vyšejšaja ryzyka vykidyšu i zaŭčasnych rodaŭ. Adnak c 2016 pa 2021 hod Kiełsi biez asablivych prablem pieražyła try ciažarnaści — usie dzieci naradzilisia danošanymi i zdarovymi.
Čaćviortaja ciažarnaść była niezapłanavanaj. Chetčer raspaviadaje, što pryjšła na UHD u traŭni i kali śpiecyjalistka paćvierdziła, što ŭsio dobra, na ŭsialaki vypadak paviedamiła, što ŭ jaje jość druhaja matka. Śpiecyjalistka vyrašyła pahladzieć i na jaje. Da ździŭleńnia abiedźviuch. Vyśvietliłasia, što ŭ Kiełsi dvojnia. Chetčer kaža, što jany z mužam śmiajalisia potym nad situacyjaj jašče dva ci try tydni.
Ciažarnaść u abiedźviuch matkach — źjava nastolki redkaja, što ŭ lekaraŭ niama nadziejnaj statystyki, jak časta takoje adbyvajecca, adnak chtości ličyć, što padobnaje sustrakajecca ŭ adnym vypadku na miljon ciažarnaściaŭ.
Usiu ciažarnaść za Chetčer nazirali niekalki śpiecyjalistaŭ miedycynskaha centra Univiersiteta Ałabamy. Jany nie bačyli nijakich prablem ni z samaj ciažarnaj, ni z adnym z pładoŭ. U vyniku vyrašana było, što kali rody sami nie pačnucca raniej, lekary praviaduć stymulacyju 18-19 śniežnia (tak u vyniku i pryjšłosia zrabić). Dvajniatki čaściej naradžajucca raniej za termin, ale ŭ vypadku Chetčer hetaha nie adbyłosia — dzieci naradzilisia danošanyja, na 39 tydni ciažarnaści.
U vyniku Kiełsi Chietčer naradziła pieršuju dziaŭčynku naturalnym šlacham, a druhaja naradziłasia ŭ vyniku kiesarava siačeńnia. Abiedźvie dziaŭčynki zdarovyja.
Žančyna ź dźviuma matkami naradziła dvajniat. Šaniec na takuju ciažarnaść byŭ 1 na 50 miljonaŭ
Pieršyja rody ŭ 15 hadoŭ, druhija ŭ 17 i trecija ŭ 19. Maładaja mama z-pad Homiela stała abjektam zachapleńnia adnych, žoŭci druhich
Unikalny vypadak. U Maładziečnie try pary dvajniat vučacca ŭ adnoj hrupie himnazii-kaledža
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka25
Kamientary