Амерыканка нарадзіла дзвюх дзяўчынак, якіх вынасіла ў розных матках
Амерыканка Келсі Хэтчэр нарадзіла дзвюх дзяўчынак, якія падчас цяжарнасці знаходзіліся ў розных матках. Роксі нарадзілася 20 снежня, Рэбел — 21-га. Пра гэтую незвычайную цяжарнасць сталі актыўна пісаць паўтара месяца таму.
Хэтчэр з 17 гадоў ведала пра тое, што ў яе ёсць рэдкая анатамічная асаблівасць — поўнае падваенне маткі (uterus didelphys), прычым кожная з матак мае зносіны са сваім яечнікам. Гэты стан сустракаецца ў адной жанчыны з трох тысяч (але, магчыма, часцей).
Лекары папярэдзілі дзяўчыну, што ў яе выпадку вышэйшая рызыка выкідышу і заўчасных родаў. Аднак c 2016 па 2021 год Келсі без асаблівых праблем перажыла тры цяжарнасці — усе дзеці нарадзіліся даношанымі і здаровымі.
Чацвёртая цяжарнасць была незапланаванай. Хэтчэр распавядае, што прыйшла на УГД у траўні і калі спецыялістка пацвердзіла, што ўсё добра, на ўсялякі выпадак паведаміла, што ў яе ёсць другая матка. Спецыялістка вырашыла паглядзець і на яе. Да здзіўлення абедзвюх. Высветлілася, што ў Келсі двойня. Хэтчэр кажа, што яны з мужам смяяліся потым над сітуацыяй яшчэ два ці тры тыдні.
Цяжарнасць у абедзвюх матках — з'ява настолькі рэдкая, што ў лекараў няма надзейнай статыстыкі, як часта такое адбываецца, аднак хтосьці лічыць, што падобнае сустракаецца ў адным выпадку на мільён цяжарнасцяў.
Усю цяжарнасць за Хэтчэр назіралі некалькі спецыялістаў медыцынскага цэнтра Універсітэта Алабамы. Яны не бачылі ніякіх праблем ні з самай цяжарнай, ні з адным з пладоў. У выніку вырашана было, што калі роды самі не пачнуцца раней, лекары правядуць стымуляцыю 18-19 снежня (так у выніку і прыйшлося зрабіць). Двайняткі часцей нараджаюцца раней за тэрмін, але ў выпадку Хэтчэр гэтага не адбылося — дзеці нарадзіліся даношаныя, на 39 тыдні цяжарнасці.
У выніку Келсі Хетчэр нарадзіла першую дзяўчынку натуральным шляхам, а другая нарадзілася ў выніку кесарава сячэння. Абедзве дзяўчынкі здаровыя.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары