Štohadovy ekspart adukacyjnych pasłuh u Biełarusi składaje kala 90 miljonaŭ dalaraŭ.
«Štohadovy ekspart adukacyjnych pasłuh — heta nie sakret, jon prynosić u respublikanski biudžet dzieści blizu 90 miljonaŭ dalaraŭ», — skazała kansultant upraŭleńnia mižnarodnaha supracoŭnictva Ministerstva adukacyi Kaciaryna Marjina, paviedamlaje «Sputnik».
Pradstaŭnik Minadukacyi dadała, što ŭ biełaruskich VNU navučajecca kala 30 tysiač zamiežnych studentaŭ, siarod samych papularnych śpiecyjalnaściaŭ u ich — miedycyna, IT, napramki inžynierna-techničnaha profilu.
«Nasamreč popyt na adukacyju mała čym adroźnivajecca ŭ zamiežnych hramadzian ad hramadzian Respubliki Biełaruś. Usio papularniej stanovicca atrymańnie adukacyi pa śpiecyjalnaściach ahrarnaha profilu. Nu i samaj papularnaj, napeŭna, adnoj z samych papularnych źjaŭlajecca ŭsio ž taki miedycynskaja adukacyja», — padkreśliła Marjina.
Biaspłatnaja vučoba dla zamiežnikaŭ
Pavodle jaje, ciapier isnujuć peŭnyja mechanizmy, kab zamiežniki mahli atrymlivać adukacyju na biaspłatnaj asnovie.
«Jość dva asnoŭnyja šlachi. Pieršy — u ramkach zaklučanych mižuradavych pahadnieńniaŭ pamiž uradam Respubliki Biełaruś i inšymi dziaržavami, dzie vyznačajecca kolkaść kvot dla atrymańnia biaspłatnaj adukacyi jak adnym bokam na terytoryi dziaržavy, tak i inšym bokam na terytoryi inšaj dziaržavy», — patłumačyła śpiecyjalist.
Druhi miechanizm tyčycca ŭkaza № 232 «Ab hrantach na navučańnie», padpisanaha ŭ 2018 hodzie. Štohod dla zamiežnych navučencaŭ dajecca 100 kvot dla atrymańnia hrantaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary