Spadziavańnie tolki na Boha. Hubiernatar Sankt-Pieciarburha paśla nalotu dronaŭ abjechaŭ horad z abrazom u rukach
Hubiernatar Sankt-Pieciarburha Alaksandr Biahłoŭ razam sa śpikieram rehijanalnaha parłamienta, miascovym mitrapalitam Varsanofijem i inšymi śviatarami zrabiŭ «malitoŭny abjezd» horada praz sutki paśla taho, jak dron urezaŭsia ŭ žyły dom na poŭnačy Pieciarburha. Pra heta paviedamiła pres-słužba haradskoj mitrapolii.
Hubiernatarski «abjezd» horada pa kalcavoj aŭtadarozie z Kazanskaj ikonaj Božaj Maci byŭ prymierkavany da «nadychodziačaha pieryjadu Vialikaha postu», jaki, praŭda sioleta pačynajecca tolki 18 sakavika.
«Praviačy archirej i supravadžajučyja jaho malilisia za Śviaciejšaha Patryjarcha Kiryła, prezidenta Uładzimira Pucina, ułady i žycharoŭ paŭnočnaj stalicy», — havorycca ŭ paviedamleńni mitrapolii.
2 sakavika ŭ piacipaviarchovy žyły dom na poŭnačy Pieciarburha ŭrezaŭsia bieśpiłotnik. Dron paškodziŭ niekalki kvater, šeść čałaviek źviarnulisia pa miedycynskuju dapamohu.
Kamientary