«Dla vas jon źvier, a dla mianie syn». Baćka hvałtaŭnika, jaki zabiŭ biełarusku, prakamientavaŭ trahiedyju i vyklikaŭ abureńnie
Na svajoj staroncy ŭ sacyjalnych sietkach mužčyna, jaki pradstaviŭsia baćkam Daryjana S., padazravanaha ŭ zhvałtavańni i zabojstvie biełaruski Lizy, prakamientavaŭ trahiedyju, jakaja zdaryłasia ŭ kancy lutaha pasiarod Varšavy. Jon zapeŭnivaje, što chacieŭ by paviarnuć čas nazad, ale pry hetym nie pakinie ŭłasnaha syna, piša Telegraf.news.
«Ja nikomu nie žadaju taho, što z nami zdaryłasia. Dla vas heta siensacyja, a dla nas — trahiedyja», — takimi słovami pačaŭ zvarot baćka aryštavanaha chłopca. Zatym mužčyna zapeŭniŭ, što «kali b moh, to addaŭ by svajo žyćcio 25-hadovaj Lizie».
«My, baćki, nie pakiniem ułasnaje dzicia ŭ ciažkuju chvilinu. Dla vas jon źvier, a dla mianie syn», — napisaŭ mužčyna. «I kali ja dumaju pra toje, što jon zrabiŭ, što ŭsio žyćcio budzie za kratami, ja nie mahu heta pryniać», — pierakazvaje jahonyja słovy vydańnie Wp.pl.
Naprykancy baćka mierkavanaha hvałtaŭnika źviarnuŭsia da čytačoŭ z zaklikam: «Kali łaska, pierastańcie, tamu što ŭsia hetaja nianaviść nie maje ničoha ahulnaha z čałaviečnaściu, a vaša nianaviść — usiaho tolki demanstracyja taho, jakija vy ludzi».
U polskim vydańni Wp.pl artykuł pra heta sabraŭ amal 500 kamientaroŭ, i ŭsie jany, całkam čakana, asudžajuć učynak hvałtaŭnika.
«Vydatny prykład vy padali dziciaci! Vy taksama tak stavilisia da jaho maci? U mianie syn takoha ž uzrostu, i choć ja nie ŭpeŭnienaja, što jon vypadkova nie ŭstupić u durnuju bojku, ja viedaju, što jon nikoli nie padymie ruku na bolš słaboha čałavieka», — prakamientavała čytačka resursu.
«Tatačka, pisać praŭdu pra vašaha syna — nie nianaviść. Tolki psichapat moža dazvolić sabie taki ŭčynak. Lepš padumajcie, jak vy jaho vychavali!», — pakinuŭ mierkavańnie inšy žychar Polščy.
Žorstkaje zhvałtavańnie maładoj biełaruski adbyłosia ŭ centry Varšavy 28 lutaha. Pahražajučy nažom, złačynca zaciahnuŭ jaje da leśvicy doma, dušyŭ, a paśla zhvałtavaŭ. Dziaŭčynu dastavili ŭ balnicu, a praź niekalki dzion jana pamierła. Ciapier 23-hadovamu padazravanamu, jak miarkujecca, pahražaje pažyćciovaje źniavoleńnie.
$5000 za miesca na mohiłkach, $330 za śviatara. Na što chłopiec Lizy patracić sabranyja hrošy?
Hrošy, jakija achviaravali na reabilitacyju zhvałtavanaj u Varšavie biełaruski, viartajucca na rachunki. Ale zapuščany novy zbor
Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie
«My vinny joj». U Varšavie projdzie marš u pamiać ab zhvałtavanaj i zabitaj biełaruscy
«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary