«Da niekatorych pytańniaŭ ja nie była hatovaja». Iryna Darafiejeva raskazała, čamu pajšła ŭ deputaty ŭ 2016-m
Śpiavačka Iryna Darafiejeva paŭdzielničała ŭ prahramie «Sto pytańniaŭ darosłamu» na kanale «Biełaruś 1». Siarod inšaha, adkazała i na pytańnie, z čym było źviazana žadańnie pajści ŭ 2016-m u deputaty Pałaty pradstaŭnikoŭ.
«Źmianić śviet da lepšaha. Ja dumaju, što [heta] hałoŭnaja meta ŭ ludziej, jakija bačać, što jany mohuć prynosić dapamohu ludziam, adkazvać na niejkija pytańni nabalełyja, nadzionnyja. Mnie, viadoma, chaciełasia dapamahać vyrašać niejkija pytańni.
Moža być, nie ŭsio tak zdaryłasia, jak chaciełasia, ale tym nie mienš… Uniesieny byli źmieny ŭ zakon ab aŭtarskich i sumiežnych pravach, ja hetamu vielmi rada. Vielmi važna, kab zakon pracavaŭ. Kali ty razumieješ, što na spravie tak nie atrymlivajecca, značyć treba niešta mianiać, unosić praŭki, źmieny, pavinna być inicyjatyva.
Ja dumaju, što ja niezdarma praviała try hady ŭ Pałacie pradstaŭnikoŭ, mnie było vielmi cikava i składana.
Da niekatorych pytańniaŭ ja nie była hatovaja, kali ščyra. Tolki atrymaŭšy hety vopyt, pačynaješ razumieć, nakolki heta adkaznaja i składanaja praca», — padsumavała śpiavačka.
Na pierapryznačeńnie ŭ parłamient u 2019-m Darafiejeva nie pajšła.
«Treba ŭnieści niejki svoj pasiŭny ŭkład». Iryna Darafiejeva vykazałasia pra artystaŭ, što byli vymušanyja źjechać z krainy
Doktar Maryjarci biełaruskaj estrady. Vy nie pavierycie, chto piša patryjatyčnyja pieśni dla dziaržTB i karparatyvaŭ siłavikoŭ
Saładuchu i Darafiejevu adpraviać pracavać na zavod
Irynu Darafiejevu abrali staršynioj aŭtarskaj rady Nacyjanalnaha centra intelektualnaj ułasnaści
Ciapier čytajuć
Bližejšym časam buduć vyzvaleny bolš za 150 palitźniavolenych13
Kamientary