Biełaruś na paŭhoda praciahnuła zabaronu na vyvaz asobnych vidaŭ pramtavaraŭ
Biełaruś praciahnuła na paŭhoda zabaronu na vyvaz asobnych vidaŭ pramysłovych tavaraŭ. Heta praduhledžana pastanovaj Savieta Ministraŭ № 212 ad 22 sakavika 2024 hoda, jakaja aficyjna apublikavana na Nacyjanalnym pravavym internet-partale, paviedamlaje BiełTA.
Zabarona zakranaje hips, anhidryt, cemienty zubnyja i inšyja materyjały dla płambiravańnia, farby i łaki na asnovie sintetyčnych palimieraŭ, pasty dla lepki, dyjahnastyčnyja abo łabaratornyja reahienty na padłožcy, filtrelemienty (uklučajučy miembrany dla hiemadyjalizu) dla miedycynskaj pramysłovaści, ampuły sa škła, šklany posud dla łabaratornych, hihijeničnych abo farmaceŭtyčnych met.
Uklučanyja ŭ pieralik jomistaści dla ścisnutaha abo zvadkavanaha hazu, roznyja katły, ruchaviki, pompy, pramysłovyja abo łabaratornyja horany i piečy. U śpisie i chaładzilniki, marazilniki, centryfuhi, pasudamyječnyja mašyny, pyłasosy, elektrabrytvy, mašynki dla stryžki vałasoŭ, telefonnyja aparaty, mikrafony.
Taksama dziejańnie dakumienta tyčycca prystasavańniaŭ dla padjomu, pieramiaščeńnia, pahruzki abo razhruzki (lifty, eskałatary, kanviejery), buldozieraŭ, traktaroŭ, mašyn roznaha pryznačeńnia, tkackich, takarnych i inšych stankoŭ, čyhunačnych łakamatyvaŭ, vahonaŭ, matacykłaŭ, rovaraŭ, pryčepaŭ i inšych najmieńniaŭ.
Dziejańnie zabarony nie tyčycca tavaraŭ ź siertyfikatam abo aktam ekśpiertyzy, jakija paćviardžajuć biełaruskaje abo rasijskaje pachodžańnie, ź siertyfikatam pradukcyi ŭłasnaj vytvorčaści abo aktam ekśpiertyzy ab adpaviednaści patrabavańniam, što vystaŭlajucca ŭ metach adniasieńnia da pradukcyi, vyrablenaj na terytoryi Biełarusi, jakija vydajucca Biełaruskaj handlova-pramysłovaj pałataj. Taksama zabarona nie raspaŭsiudžvajecca na tavary z vypiskaj ź jeŭrazijskaha rejestra, na tyja, jakija vyvoziacca pa licenzijach i na šerah inšych vypadkaŭ, jakija paznačanyja ŭ dakumiencie.
Zabarona była ŭviedziena ŭ sakaviku 2022 hoda, potym nieadnarazova praciahvałasia.
Asnoŭnyja pałažeńni pastanovy ŭstupili ŭ siłu z 23 sakavika i buduć dziejničać na praciahu šaści miesiacaŭ.
«Ciabie b baćka praklaŭ»: Maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam3
Kamientary