Vyjšła kniha «Biełarusy ŭ Arhiencinie»

Biełarusy ŭ Arhiencinie: hramadskaja dziejnaść i reemihracyja ŭ SSSR (1930–1960-ja hh.) : zbornik dakumientaŭ i ŭspaminaŭ / Siarhiej Šabielcaŭ. — Minsk: Miedysont, 2009. — 368 s. — (Biblijateka Baćkaŭščyny; kn. 17).

Ubačyła śviet 17-ja kniha sieryi «Biblijateka Baćkaŭščyny». Joj staŭ zbornik Siarhieja Šabielcava «Biełarusy ŭ Arhiencinie: hramadskaja dziejnaść i reemihracyja ŭ SSSR (1930–1960-ja hh.). U knizie raźmieščany dakumienty i ŭspaminy pra biełaruskuju dyjasparu ŭ Arhiencinie, a taksama pra reemihrantaŭ, jakija pierajechali z hetaj krainy ŭ SSSR.

U knizie raźmieščany dakumienty i ŭspaminy pra biełaruskuju dyjasparu ŭ Arhiencinie, a taksama pra reemihrantaŭ, jakija pierajechali z hetaj krainy ŭ SSSR. Pradstaŭlenyja materyjały adlustroŭvajuć śvietapohlad biełaruskich imihrantaŭ, ich hramadskuju i palityčnuju dziejnaść u Arhiencinie, praces ich reemihracyi ŭ SSSR i šlachi adaptacyi na Radzimie.

Pa słovach redaktara knihi, kandydata histaryčnych navuk Natalli Hardzijenki, zbornik «Biełarusy ŭ Arhiencinie: hramadskaja dziejnaść i reemihracyja ŭ SSSR (1930–1960-ja hh.)" źjaŭlajecca pieršaj sprobaj sistematyzacyi materyjałaŭ, pryśviečanych prysutnaści našych suajčyńnikaŭ u hetaj krainie.

«Arhiencinskaja biełaruskaja dyjaspara adroźnivajecca ad dyjasparaŭ u inšych krainach najpierš svajoj idejnaj skiravanaściu, prakamunistyčnym charaktaram, — havoryć Natalla Hardzijenka. — I heta svojeasablivy fienomien u biełaruskim žyćci na Zachadzie, biezumoŭna varty uvahi i vyvučeńnia. Da siońnia byli apublikavanyja tolki asobnyja uspaminy, abo dakumienty da historyi biełaruskaj Arhienciny. Ciapier ža aŭtar-składalnik sabraŭ šmat cikavych i raznastajnych materyjałaŭ, jakija adlustroŭvajuć i śpiecyfiku biełaruskaha žyćcia ŭ hetaj krianie, i praces reemihracyi suajčyńnikaŭ u Biełaruś, i ich losy na savieckaj radzimie. U pradmovie da knihi zrobleny ahlad historyi stvareńnia biełaruskaj dyjaspary ŭ Arhiencinie, u jakim vyrazna prasočvajucca jaje admietnaści, u paraŭnańni z dyjasparami ŭ inšych krainach. „Biełarusy ŭ Arhiencinie“ — heta u pieršuju čarhu zbornik dakumientaŭ, adnak jon źjaŭlajecca važnym krokam dla stvareńnia hruntoŭnaha analityčnaha daśledavańnia pa historyi biełaruskaj prysutnaści ŭ hetaj krainie».

Kniha padzielena na niekalki tematyčnych raździełaŭ. Pieršy raździeł — «Biełaruskija imihranty ŭ Arhiencinie (1930 — siar. 1950-ch hh)» pryśviečany pracesu stanaŭleńnia biełaruskich arhanizacyj ŭ Arhiencinie, pracy imihrantaŭ pa padtrymcy Savieckaha Sajuza. U druhim raździele «Biełaruskija reemihranty (1955 — 1960-ja hh.) razhladajecca praces reemihracyi biełarusaŭ Arhienciny ŭ SSSR, a taksama ŭpłyŭ vodhukaŭ reemihrantaŭ pra SSSR na žyćcio biełaruskaj dyjaspary ŭ Arhiencinie. U apošnim raździele čytač znojdzie ŭspaminy reemihrantaŭ z Arhienciny, u tym liku i ŭspaminy biełaruska-ispanskaha pierakładčyka, litaratara i pravaabaroncy Karłasa Šermana.

zbsb.org

• 0
• 0
• 0
• 0
• 0
• 0
• 0
• 0