Jak ciapier vyhladaje byłaja staršynia Nacbanka Nadzieja Jermakova FOTA
Byłuju kiraŭnicu Nacyjanalnaha banka Nadzieju Jermakovu vyłučyli ad Biełaruskaha sajuza žančyn u prezidyum Usiebiełaruskaha narodnaha schodu, jaki maje prajści 24—25 krasavika. Dahetul amal try hady jana praktyčna nie źjaŭlałasia na publicy.
71-hadovaja ŭradženka Chocimskaha rajona Nadzieja Jermakova pieršuju častku svajoj karjery zrabiła na rodnaj dla Łukašenki Škłoŭščynie. Jana była kiraŭnicaj Škłoŭskaha adździaleńnia savieckaha Dziaržbanka, namieśnicaj staršyni Škłoŭskaha rajvykankama, uznačalvała škłoŭskija adździaleńni kamiercyjnych bankaŭ.
U 1996 hodzie Łukašenka zabraŭ Jermakovu sa Škłova ŭ Minsk, i 15 hadoŭ jana pracavała ŭ Biełarusbanku — spačatku namieśnicaj staršyni praŭleńnia, a paśla i staršynioj. U 2011 hodzie, padčas mocnaha valutnaha kryzisu, Nadzieja Jermakova paśla adstaŭki Piatra Prakapoviča ŭznačaliła Nacyjanalny bank i zastavałasia na hetaj pasadzie da 2014-ha. Heta byŭ pik jaje karjery.
Paśla adstaŭki z pasady hałoŭnaha bankira krainy Jermakova znoŭ źjaviłasia ŭ publičnym žyćci ŭ červieni 2020 hoda, kali paśla taho, jak kiraŭnik Biełhazprambanka Viktar Babaryka kinuŭ vyklik Łukašenku na prezidenckich vybarach, u banku ŭviali časovuju administracyju pad kiraŭnictvam Jermakovaj. U studzieni jana ŭznačaliła Biełhazprambank i na pastajannaj asnovie. Ale kiravała tak im jana ŭsiaho paŭhoda, da lipienia 2021-ha. Paśla taho jaje pieraviali na bolš ścipłuju pasadu člena Naziralnaj rady i adnaho z šaści niezaležnych dyrektaraŭ Bielinviestbanka, na jakoj žančyna znachodzicca i dahetul.
Servisu «Jandeks.Taksi» pahražajuć błakiroŭkaj: na ANT vyjšaŭ razhromny repartaž6
Kamientary