Butelka praseka ŭ restaranie — 210 dalaraŭ. Viadučaja BT raspaviała pra košt adpačynku ŭ Katary
Adpačynak u Katary, rekłamujuć turfirmy, heta jak u Dubai, ale bolš tanna. Kolki ž kaštuje pravieści tam vodpusk, raspaviała ŭ svaim instahramie viadučaja telekanała «Biełaruś-5» Maryja Bahatyr.
Razam s siabroŭkaj Maryja vybrała niebanalny kirunak dla plažnaha vodpusku i palacieła ŭ stalicu arabskaj dziaržavy Katar — horad Docha, jaki raźmieščany la ŭźbiarežža Piersidskaha zaliva.
Pasialiłasia televiedučaja ŭ piacizorkavym Sheraton Grand Doha Resort & Convention Hotel. Hatel sapraŭdy šykoŭny. Jon raźmieščany na ŭłasnym plažy ź vidam na Piersidski zaliŭ. U rasparadžeńni haściej siem restaranaŭ, u jakich padajuć stravy blizkaŭschodniaj, italjanskaj i azijackaj kuchni. Taksama haściam siervirujuć tematyčny «šviedski stoł». A ŭ restaranie na dachu hatela, adkul adkryvajecca malaŭničy vid na Piersidski zaliŭ, haściam prapanujuć stravy arabskaj kuchni.
Jość płavalny basiejn z rehulavanaj tempieraturaj vady, tenisnyja korty, placoŭki dla hulni ŭ skvoš i trenažornaja zała z sučasnym abstalavańniem.
Maryja raspaviała padpisčycam, što ałkahol u Katar pravieźci nijak nie atrymajecca, na miescy nabyć taksama davoli składana — pradajecca jon tolki ŭ niekatorych restaranach i hatelach. Ceny pry hetym uražvajuć. U jakaści prykłada viadučaja novaha siezona šou «Hieroi» na BT pryviała ceny na kaktejl «Pina kałada» (33 jeŭra) i butelku Bottega Prosecco (210 dalaraŭ).
Padzialiłasia jana i svaimi ŭražańniami nakont taho, jak žančynie možna apranacca ŭ hetaj arabskaj krainie:
— U kłuby dziaŭčaty apranajucca, jak i ŭ nas. Na vulicy nichto napierakos nie hladzić, kali kaleni nie zakrytyja. Ale ja i nie złoŭžyvaju hołymi vobrazami.
Čym ža zaniacca ŭ horadzie Docha? Maryja naviedała viadomy akvapark Merya, dzie možna skacicca z horki vyšynioj z 28-paviarchovy dom. Schadziła na šopinh u samy vialiki handlovy centr City Centre Doha Mall, dzie možna nabyć rečy takich suśvietna viadomych brendaŭ jak «Łui Viton», «Hučy» i «Dyjor».
Daviedaŭšysia, što ŭ Dosie jakraz prachodzić čempijanat Azii pa futbole U23, Maryja naviedała adzin z matčaŭ na Jassim Bin Hamad Stadium:
— Nie naša «Barysaŭ-Arena», ale ŭsio roŭna simpatyčnieńka.
Dyk kolki ž kaštuje adpačyć u Katary? Ad pramoha adkazu na hetaje pytańnie padpisčyc Maryja syšła. Jana vyrašyła ahučyć ličby ad turfirmy, jakaja arhanizoŭvała joj adpačynak.
— Minimalnaja cana na adpačynak u haradskim hateli 4 zorki — 822 dalary (biez charčavańnia) — dla turystaŭ, jakija płanujuć šmat i samastojna hladzieć horad. Sa śniadankami ŭ 4-zorkavym hateli — 1041 dalar. Paŭpansijon — 1260 dalaraŭ. Heta cana za dvaich i vylety bližejšyja. Naš kazačny hatel na siońnia kaštuje: sa śniadankami 2598 dalaraŭ, paŭpansijon — 3319 dalaraŭ.
Zhodna z danymi booking.com, tolki za toje, kab adpačyć 9 načej u mai ŭ Sheraton Grand Doha Resort & Convention Hotel, treba zapłacić 4188 dalaraŭ (uklučany tolki śniadanki) ci 5150 dalaraŭ (uklučany śniadanki, abiedy i viačery).
Adna z turystyčnych firm, jakija pradajuć biełarusam tury ŭ Katar, raspaviała ŭ tyktoku, što z 22 sakavika była adnoŭlena palotnaja prahrama i ciapier ź Minska ŭ Dochu možna dalacieć mienš čym za 6 hadzin. Praŭda, nie atrymajecca samastojna vyrašyć, kolki praciahniecca tvoj adpačynak. Usie tury raźličany na 9 načej.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta8
Kamientary