Polšča na miažy ź Biełaruśsiu budzie ŭzvodzić bunkiery, ravy, akopy
Ministr abarony Polščy raspavioŭ pra płany ŭmacavańnia miažy
Ministr abarony Polščy Uładzisłaŭ Kasiniak-Kamyš u efiry Radio Zet padtrymaŭ ideju budaŭnictva ŭmacavańniaŭ na miažy. Pavodle jaho słoŭ, jość ceły płan pa ŭzmacnieńni achovy miažy, piša Reform.news.
«Ci pavinna Polšča pačać budaŭnictva bunkieraŭ, ravoŭ i akopaŭ na miažy ź Biełaruśsiu i Rasijaj?» — spytaŭ u jaho viadučy.
«Tak», — adkazaŭ Kasiniak-Kamyš.
Razam z tym ministr zaklikaŭ nie akcentavać uvahu vyklučna na fizičnych umacavańniach.
«Rychtujem ceły płan. My heta robim de-fakta, umacavańnie miažy. Ja traktuju hetaje pytańnie trochi šyrej. Ja traktuju jaho jak uzmacnieńnie miažy. Vypraŭlajem płot na miažy polska-biełaruskaj, uzmacniajem hety płot. Jość vajskovaja hrupoŭka, jakaja pastajanna znachodzicca ŭ Padlaššy, Lublinskim vajavodstvie, mazavieckich Varminska-Mazurskim, jakija padtrymlivajuć pamiežnuju achovu, jość prysutnaść armii. I vydatki na heta samyja vialikija ŭ 2024 hodzie», — rastłumačyŭ jon.
Ministr adznačyŭ, što nie varta zvodzić usio da budaŭnictva ŭmacavańniaŭ. Jon źviarnuŭ uvahu na kompleks mierapryjemstvaŭ, uklučajučy prysutnaść sajuznych vojskaŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im2
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary