Udzielniki hurta «Bi-2» i členy ich siemjaŭ atrymali hramadzianstva Małdovy
Taki ŭkaz padpisała prezidentka krainy Maja Sandu.
Hramadzianstva Małdovy atrymali niekatoryja muzyki z hurta «Bi-2». Jany padavali prašeńnie razam z členami svaich siemjaŭ.
Maja Sandu razhledzieła zajavy i dała im hramadzianstva, raskazaŭ kiraŭnik Administracyi prezidenta Małdovy Adryjan Bełuceł.
«Naša kraina adkrytaja i haścinnaja dla ludziej, jakija vybirajuć mir, prapahandujuć siabroŭstva i pavahu pamiž narodami. Udzielnikaŭ hrupy «Bi-2» represavali rasijskija ŭłady paśla taho, jak jany vystupili suprać vajny va Ukrainie. Małdova vykazvaje čałaviečuju hodnaść, svabodu słova i salidarnaść z tymi, chto znachodzicca ŭ niebiaśpiecy», — napisaŭ Bełuceł.
Niekatoryja muzyki «Bi-2» padalisia na hramadzianstva Małdovy paśla rezanansnaha vypadku ŭ Tajłandzie. Tady palicyja aryštavała hurt paśla kancertu praz prablemy z dakumientami. Rasijski konsuł damahaŭsia vysyłki muzykaŭ u Rasiju, dzie ich mahli zatrymać za antyvajennuju pazicyju.
Situacyja ŭ vyniku vyrašyłasia ščaśliva, muzykam dazvolili palacieć nie ŭ Rasiju.
Niekalki ŭdzielnikaŭ hurta «Bi-2» paprasili hramadzianstva Małdovy
Rasijski konsuł, jaki sprabavaŭ departavać hrupu «Bi-2» z Tajłanda, mahčyma, sychodzić sa svajoj pasady
«U kamiery padyšoŭ čałaviek i adrazu ŭziaŭ mianie za štany» — Lova Bi-2 pra dni ŭ tajskim SIZA
«Bi-2» zapościli fota ź Cichanoŭskaj i paabiacali vystupić u Minsku paśla pieramohi
Kamientary