Z vykarystańniem «Pałanezaŭ», «Hradaŭ» i bajavoj avijacyi. Padrabiaznaści maštabnaj bajavoj pravierki Uzbrojenych sił
Načalnik Hienieralnaha štaba — pieršy namieśnik ministra abarony Pavieł Muraviejka vykazaŭsia ab raptoŭnaj praviercy hatoŭnaści złučeńniaŭ i voinskich čaściej Uzbrojenych sił. Pravierka pačałasia siońnia a 9-j ranicy.
«Pravierka maje kompleksny charaktar i praduhledžvaje zadziejničańnie raznastajnych sił. U pryvatnaści, padraździaleńni i voinskija čaści sił śpiecyjalnych apieracyj atrymali zadaču rušyć u novanaznačanyja rajony, arhanizavać ich inžyniernaje abstalavańnie, stvareńnie sistemy zaharodaŭ.
U dalejšym być u hatoŭnaści dziejničać pa pošuku, źniščeńni i błakavańni dyviersijna-raźviedvalnych hrup umoŭnaha supiernika, niasieńni słužby na błokpastach, a taksama apieratyŭnym reahavańni i vychadu na pryznačanyja rubiažy.
Padraździaleńni zienitna-rakietnych vojskaŭ ruchajucca ŭ novyja pazicyjnyja rajony i ź ich zaniaćciem zaviaršajuć stvareńnie sistemy zienitna-rakietnaha prykryćcia važnych abjektaŭ na pahražalnych napramkach, raskazaŭ vojenačalnik.
«Adnačasova ź dziejańniami sił śpiecyjalnych apieracyj aktyŭna dziejničajuć padraździaleńni rakietnych vojskaŭ i artyleryi, asnaščanyja kompleksami «Pałanez» i reaktyŭnymi sistemami załpavaha ahniu BM-21 «Hrad». Hetyja padraździaleńni taksama pad prykryćciom sił śpiecyjalnych apieracyj skrytna zajmajuć naznačanyja rajony i pavinny zastupić na bajavoje dziažurstva pa naznačanych abjektach», — raskazaŭ Pavieł Muraviejka.
Jon dadaŭ, što budzie dziejničać avijacyja, jakaja vykanaje zadačy pa dastaŭcy i vysadcy šturmavych hrup na patrebnyja napramki, padtrymcy suchaputnaj hrupoŭki pry dziejańniach na ziamli, a taksama niasieńniu i zabieśpiačeńniu źniščalnaha avijacyjnaha prykryćcia ŭ važnych abjektach u ramkach sistemy supraćpavietranaj abarony.
Aktyŭna buduć prymianiacca bieśpiłotnyja latalnyja aparaty, siły i srodki radyjoelektronnaj baraćby, a taksama płanujecca adpracavać pryjomy dziejańnia suchaputnych hrupovak u lasista-bahnistaj miascovaści.
«Usia pravierka spłanavana i budzie pravodzicca na terytoryi Homielskaj i Bresckaj abłaściej. My spadziajemsia, što pa vynikach dadzienaha mierapryjemstva atrymajem abjektyŭnuju acenku hatoŭnaści našych voinskich čaściej i padraździaleńniaŭ vykonvać zadačy va ŭmovach abstanoŭki, jakaja chutka źmianiajecca, i harantavać biaśpieku našaj krainy», — zaklučyŭ načalnik Hienštaba.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary
Vsio ispravnoje, rabočieje i ciełoje pieriedano putinu.....