Biełaruskaja aktrysa daviedałasia pra ciažarnaść tolki na piatym miesiacy. Heta raspaŭsiudžanaja źjava?
Aktrysa Maryna Paddubnaja padzialiłasia radasnaj navinoj: u jaje z režysioram Mitryjem Siamionavym-Alejnikavym naradziłasia dačka. U asobnym «mamskim» instahramie Maryna raskazała, što daviedałasia pra ciažarnaść tolki na piatym miesiacy.
«Nie było nijakich simptomaŭ, nie było naboru vahi, aciokaŭ, taksikozu, prablem sa skuraj, nastrojem, ciskam», — raskazvaje žančyna ŭ sacsietkach.
U kamientarach u jaje spytali — a što nakont mienstrucyi? Na što maładaja maci ździviła: taksama prysutničała.
Nakolki heta standartnaja źjava?
Akušer-hiniekołah Stanisłaŭ Sałaviej ŭ kamientary «Našaj Nivie» raspavioŭ, što historyja Maryny — nie ŭnikalnaja: kožny śpiecyjalist z dośviedam zhadaje taki kiejs sa svajoj praktyki.
«Žančyny ŭ bolšaści svajoj nie zaŭvažajuć ciažarnaści z punktu hledžańnia taksikozu, vanitaŭ — heta nie zaŭsiody adbyvajecca. Plus nie va ŭsich žančyn mocna vystupaje žyvot na siarednich terminach, a jość tyja, chto ŭ ciele, u ich ciažarnaść moža być nie mocna zaŭvažnaja i na vośmym miesiacy. U mianie, naprykład, była pacyjentka, jakaja pryjšła da mianie ŭžo pad samyja rody i nie viedała, što ciažarnaja», — kamientuje doktar.
Što tyčycca najaŭnaści miesiačnych, tut surazmoŭca padkreślivaje, što kravianistyja vydzialeńni padčas ciažarnaści — heta ni ŭ jakim razie nie kłasičnaja mienstruacyja.
«Kali kryvacioki ŭ ciažarnaj — heta moža kazać pra patencyjnuju pahrozu pieraryvańnia ciažarnaści, jakaja praciakaje ŭ takim vyhladzie — kravianistych vydzialeńniaŭ. Heta nie zaŭsiody patrabuje lačeńnia, ale farmalna heta — uskładnieńnie i nie norma. Jość jašče situacyi, źviazanyja z polikistozam jaječnikaŭ i zališniaj masaj cieła, kali miesiačnyja ŭ pryncypie nierehularnyja — raz u try miesiacy ci z paŭhadovaj zatrymkaj, i heta ŭsio ŭskładniaje šancy zaciažaryć. Tamu takija pacyjentki niaredka nie zaścierahajucca padčas seksu, kažuć: ja ž usio roŭna nie zaciažaru. Ale ŭsio zdarajecca, miesiačnych jak nie było raniej rehularna, tak i niama, i daviedvajucca pra ciažarnaść takija žančyny pozna».
Jašče adna katehoryja žančyn, dla jakich ciažarnaść čaściej robicca siurpryzam na poźnich terminach, — va ŭzroście 45+.
«Kali miesiačnyja źnikajuć u takim uzroście, prychodziać dumki: mabyć, užo klimaks. I tuju ž vahu, jakaja moža pačać raści, śpisvajuć na jaho, a heta moža być ciažarnaść. Takija pacyjentki niaredka pastupajuć z bolami ŭ žyvacie ŭ chirurhiju, a pa fakcie ŭ ich pačynajucca rody».
Što da pieramienaŭ ź ciskam, to pavyšeńnie moža naziracca zvyčajna paśla 22 tydniaŭ.
«Kali heta adbyvajecca na raniejšych terminach, heta śviedčyć, što ŭ pacyjentki ŭžo da hetaha mieła miesca arteryjalnaja hipiertenzija».
Ci stała bolej paśla karanavirusa sardečna-sasudzistych zachvorvańniaŭ? Voś što zaŭvažyli biełaruskija daktary
Pamiatajecie dziaŭčynku, jakaja pamierła ŭ radzilni praz toje, što maci nie zrabili kiesaravaha? Stała viadoma, čym skončyłasia pravierka
«U mianie svajak — piłot, jon pryvozić». Jak u Biełarusi pradajuć «Azempik», jaki abiacaje fihuru mary
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary