Na mahiloŭskaj trasie pierakuliŭsia aŭtobus z akciorami teatra imia Janki Kupały
Avaryja adbyłasia ŭnačy 27 červienia. Praŭda, infarmacyja datyčna taho, dzie mienavita heta zdaryłasia, adroźnivajecca, piša Onliner.by.
Aŭtar fota napisaŭ, što aŭtobus znachodziŭsia pad Mahilovam. U toj ža čas čytačka partała adznačyła: «Heta było ŭ horadzie Bierazino». «U aŭtobusa vybivali zadniaje škło», — dadaŭ inšy karystalnik forumu. Hetyja słovy paćviardžaje adna z fatahrafij.
Nieviadoma, kolki čałaviek znachodziłasia ŭ sałonie ŭ momant avaryi. Adnak čytačka partała paviedamiła: «Bačyli aŭtobus užo paśla taho, jak jon pierakuliŭsia. Na miescy byli dźvie pažarnyja bryhady i čatyry-piać karet chutkaj dapamohi. Ludziej dastavali ź luka na dachu».
Jašče adzin čytač padzialiŭsia nastupnaj infarmacyjaj: «Aŭtobus viartaŭsia z Mahilova ŭ Minsk paśla śpiektakla «Pisaravy imianiny». Unutry znachodzilisia akciory i techničnaja hrupa Kupałaŭskaha teatra ŭ Minsku».
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ11
Kamientary