U polskaha sudździ Šmita, jaki ŭciok u Biełaruś, znajšli na radzimie vializnyja daŭhi
Pra vialikija daŭhi źbiehłaha z Polščy ŭ łukašenkaŭskuju Biełaruś sudździ Tomaša Šmita piša polskaje vydańnie Fakt.
Jak piša Fakt, pierad adjezdam u Biełaruś Tomaš Šmit padaŭ u Vajavodski administracyjny sud u Varšavie dekłaracyju ab majomaści, i ŭ im jość infarmacyja pra vialikija daŭhi ciapier užo byłoha sudździ.
Šmit zadekłaravaŭ tolki 10 080 złotych (kala 2550 dołaraŭ) na bankaŭskim rachunku. Praŭda, zarobak na pasadzie sudździ da spłaty padatkaŭ składaŭ na miesiac 25 548 złotych (kala 6480 dołaraŭ). Ale ŭ toj ža čas sudździa mieŭ čatyry kredyty na ahulnuju sumu 545 172 złotych (zvyš 138 tysiač dołaraŭ), ź jakich spłaciŭ za hod tolki kala 40 tysiač złotych (krychu bolš za 10 tysiač dołaraŭ). Taksama śpiecsłužby raniej vyśvietlili, što jon braŭ mikrakredyty pad vysokija adsotki.
Akramia taho, Šmit nie zadekłaravaŭ nijakaj nieruchomaści, a z usioj surjoznaj majomaści ŭ jaho była tolki mašyna Seat Ibiza ŭzrostam 9 hadoŭ.
Raniej paviedamlałasia, što Tomaš Šmit płaciŭ kala 4 tysiač złotych na miesiac (kala tysiačy dołaraŭ) za zdymnuju kvateru ŭ varšaŭskim rajonie Muranaŭ. Taksama jon pavinien byŭ płacić vysokija alimienty na troch dziaciej ad minułaha šlubu, ale, jak miarkuje Fakt, nie płaciŭ, bo rachunak, na jaki jamu pieraličvali zarobak z suda, byŭ aryštavany.
Były polski sudździa Šmit staŭ karespandentam BiełTA
Ałkahol, mikrakredyty, Stambuł. Polskija śpiecsłužby nakapali novaje pra ŭciekłaha sudździu Šmita
Varšaŭski sud vydaŭ jeŭrapiejski ordar na aryšt sudździ Šmita
Sudździa-pierabiežčyk Šmit tak nachvalvaŭ Łukašenku, što načysta zabyŭsia pra chranałohiju padziej
Zatknie za pojas Kačanavu — jak polski pierabiežčyk Šmit chvalić Łukašenku
Interpał admoviŭsia vydać ordar na aryšt polskaha sudździ Šmita
Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii13
Kamientary