Źmitra Daškieviča buduć sudzić pa novaj kryminalnaj spravie ŭžo na hetym tydni
Sud nad palitviaźniem Źmitrom Daškievičam raspačniecca 17 lipienia ŭ sudzie Pieršamajskaha rajona Minska. Spravu budzie razhladać sudździa Anastasija Kulik, piša «Viasna». Palitviaźnia abvinavačvajuć pa «narodnym» art. 342 KK (aktyŭny udzieł u hrupavych dziejańniach, jakija hruba parušajuć hramadski paradak).
Źmitra Daškieviča razam z žonkaj Nastaj dva hady tamu abvinavacili va ŭdziele ŭ akcyi pratestu 23 žniŭnia 2020 hoda. 14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
Upieršyniu Daškievič pavinien byŭ vyjści na volu z papraŭčaj kałonii № 14 pa zakančeńni terminu 11 lipienia 2023 hoda. Ale adrazu pa vychadzie jaho zatrymali ŭ miežach novaj kryminalnaj spravy pa art. 411 KK — «złosnaje niepadparadkavańnie patrabavańniam administracyi kałonii».
Sudździa Taćciana Dzieravianka pryznačyła palitviaźniu jašče adzin hod kałonii va ŭmovach strohaha režymu.
Situacyja praktyčna paŭtaryłasia praz hod, adno što tolki hetym razam łukašysty nie stali čakać, pakul Źmicier adbudzie ŭvieś termin i zaviali novuju kryminalnuju spravu za dva miesiacy da jaho zakančeńnia.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary