Ministerstva ŭnutranych spraŭ inicyjavała zabaronu na prodaž u krainie suvienirnych hrošaj. Pra heta paviedamlaje telehram-kanał «Milicyja Biełarusi».
Ministerstva ŭnutranych spraŭ kanstatuje rost kolkaści vypadkaŭ raźliku suvienirnymi hrašyma ŭ handlovych abjektach. Kupiury, jakija kanfiskoŭvajucca z abarotu, majuć jak padabienstva, tak i istotnyja adroźnieńni z sapraŭdnymi hrašovymi znakami.
Suvienirnyja banknoty źmiaščajuć nadpisy «Dubloŭ», «Cubdioŭ», «Souvenir money of Belarus» i inšyja.
Tolki za 6 miesiacaŭ hetaha hoda zarehistravana 340 vypadkaŭ zbytu takoj pradukcyi. 132 ź ich skłali banknotapadobnyja vyraby, jakija imitujuć biełaruskija rubli.
Niahledziačy na prafiłaktyčnuju rabotu, kasiry handlovych abjektaŭ nie zaŭsiody źviartajuć uvahu na elemienty abarony nacyjanalnaj valuty, u šerahu vypadkaŭ chałatna staviacca da vykanańnia słužbovych abaviazkaŭ, prajaŭlajučy niaŭvažlivaść pry raźlikach z pakupnikami. Pry hetym za nievykanańnie patrabavańniaŭ zakanadaŭstva pa praviercy hrašovych srodkaŭ na sapraŭdnaść i płaciožnaść dla ich ustanoŭlena administracyjnaja adkaznaść, zaznačaje MUS;
Razam z tym sioleta ŭ adnosinach da asob, jakija ŭśviedamlali, što raźličvajucca suvienirnymi rublami, raspačaty dźvie kryminalnyja spravy za machlarstva, dvoje hramadzian pryciahnuty da administracyjnaj adkaznaści za drobny kradziež.
MUS inicyjavała ŭviadzieńnie zabarony na prodaž takich vyrabaŭ na roznych handlovych placoŭkach i abjektach
-
Łukašenka — Bastrykinu: My prytrymlivajemsia adnoj linii, adnoj pazicyi
-
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
-
Mieniedžara z chołdynha «Amkador» asudzili za «sadziejničańnie ekstremizmu»
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary