Міністэрства ўнутраных спраў ініцыявала забарону на продаж у краіне сувенірных грошай. Пра гэта паведамляе тэлеграм-канал «Міліцыя Беларусі».
Міністэрства ўнутраных спраў канстатуе рост колькасці выпадкаў разліку сувенірнымі грашыма ў гандлёвых аб'ектах. Купюры, якія канфіскоўваюцца з абароту, маюць як падабенства, так і істотныя адрозненні з сапраўднымі грашовымі знакамі.
Сувенірныя банкноты змяшчаюць надпісы «Дублёў», «Цубдёў», «Souvenir money of Belarus» і іншыя.
Толькі за 6 месяцаў гэтага года зарэгістравана 340 выпадкаў збыту такой прадукцыі. 132 з іх склалі банкнотападобныя вырабы, якія імітуюць беларускія рублі.
Нягледзячы на прафілактычную работу, касіры гандлёвых аб'ектаў не заўсёды звяртаюць увагу на элементы абароны нацыянальнай валюты, у шэрагу выпадкаў халатна ставяцца да выканання службовых абавязкаў, праяўляючы няўважлівасць пры разліках з пакупнікамі. Пры гэтым за невыкананне патрабаванняў заканадаўства па праверцы грашовых сродкаў на сапраўднасць і плацёжнасць для іх устаноўлена адміністрацыйная адказнасць, зазначае МУС;
Разам з тым сёлета ў адносінах да асоб, якія ўсведамлялі, што разлічваюцца сувенірнымі рублямі, распачаты дзве крымінальныя справы за махлярства, двое грамадзян прыцягнуты да адміністрацыйнай адказнасці за дробны крадзеж.
МУС ініцыявала ўвядзенне забароны на продаж такіх вырабаў на розных гандлёвых пляцоўках і аб'ектах
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары