Viadomy amierykanski anłajn-bank spyniŭ absłuhoŭvańnie biełaruskich klijentaŭ
Amierykanskaj płatformaj i płaciežnaj sistemaj Mercury dahetul mahli karystacca rezidenty «ryzykoŭnych krain», paviedamlajuć ułady ZŠA.
Pryvatny amierykanski anłajn-bank Mercury razasłaŭ listy klijentam z 37 krain ab spynieńni absłuhoŭvańnia ich rachunkaŭ. U śpis trapili Biełaruś, Rasija, KNDR, Pakistan, Ałbanija, Charvatyja, Bośnija i Hiercahavina, a taksama Ukraina, paviedamlaje partał TechCrunch sa spasyłkaj na pradstaŭnikoŭ banka.
Zabarona na absłuhoŭvańnie raspaŭsiudžvajecca na ŭsich uładalnikaŭ pašpartoŭ vyšejpieraličanych krain (vyklučeńnie — ukraincy, jakija žyvuć u ZŠA).
Asnoŭnaj pryčynaj błakiroŭki bank nazyvaje sankcyi ZŠA, a taksama fakty karystańnia płaciežnaj sistemaj Mercury i zaviadzieńnia rachunkaŭ u banku z boku rezidentaŭ i kampanij z «ryzykoŭnych krain», jakija tym samym mahli abychodzić sankcyjnyja abmiežavańni.
Z-za hetaha suprać Mercury uładami ZŠA była raspačataja pravierka.
Ukraina trapiła pad błakiroŭku, bo častka jaje terytoryj znachodzicca pad rasijskaj akupacyjaj, patłumačyli pradstaŭniki Mercury.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»23
Kamientary
Knoŭ Ju Kastamer trylala