Druhi tur vybaraŭ prezidenta Ukrainy adpaviadaŭ normam Rady Jeŭropy i ABSIE, havorycca ŭ zajavie mižnarodnych naziralnikaŭ.
U raspaŭsiudžanaj zajavie naziralniki adznačajuć, što na hetych vybarach «zafiksavany prahres u paraŭnańni z 2004 hodam».
Naziralniki adznačyli «niedachop ŭzajemnaha davieru pamiž kandydatami», ale padkreślili, što
«hałasavańnie było prafiesijnym, prazrystym i sumlennym».
U zajavie pryvodziacca słovy kiraŭnika misii mižnarodnych naziralnikaŭ Žoao Saareša, dzie havorycca, što «ŭčarašniaje hałasavańnie było vidavočnym adlustravańniem demakratyčnych vybaraŭ». Jon dadaŭ, što «dla kožnaha na Ukrainie hetyja vybary byli pieramohaj».
Pradstaŭniki ABSIE zaklikali ŭkrainskich palitykaŭ zabiaśpiečyć «mirnuju i kanstruktyŭnuju» pieradaču ŭłady paśla jaki prajšoŭ u krainie druhoha tura prezidenckich vybaraŭ.
Paśla apracoŭki 98,73% biuleteniaŭ (źviestki na 16:53) Viktar Janukovič nabiraje 48,64% hałasoŭ, Julija Cimašenka — 45,77%, 4,38% — suprać usich.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary