U suviazi z zachopam milicyjaj Doma polskaha ŭ Iviancy ŭ paniadziełak. Ministr Sikorski: «Ź biełaruskim MZS budzie vieścisia mužčynskaja razmova».
Ministerstva zamiežnych spravaŭ Polščy adklikała ŭ Varšavu na kansultacyi ambasadara Polščy ŭ Biełarusi Hienryka Litvina ŭ suviazi z zaniaćciem milicyjaj Doma polskaha ŭ Iviancy.
Pres-sakratar polskaha MZS Piotr Paškoŭski zajaviŭ, što adklikańnie pasła na kansultacyi –
heta palityčny sihnał, što polskaja dypłamatyja niehatyŭna aceńvaje dziejańni, pradprymanyja biełaruskimi ŭładami ŭ dačynieńni da palakaŭ Biełarusi.
Tym časam pasoł Biełarusi ŭ Polščy Viktar Hajsionak byŭ vyklikany ŭ polskaje Ministerstva zamiežnych spravaŭ, dzie vice-ministr Andžej Kremer vykazaŭ jamu surjoznuju zaniepakojenaść dziejańniami biełaruskich pravaachoŭnych orhanaŭ.
«Takija represiŭnyja dziejańni dla nas nieprymalnyja», — pierakazaŭ słovy vice-ministra pres-sakratar MZS.
Situacyju vakoł Doma polskaha ŭ Iviancy prakamientavaŭ siońnia ŭ pieradačy «Paśla 20.00» telekanała TVP Info ministr zamiežnych spravaŭ Polščy Radasłaŭ Sikorski. Jon siarod inšaha zajaviŭ: «Zachavańnie pravoŭ mienšaściaŭ – heta važnaja ŭmova zbližeńnia ź Jeŭrasajuzam. Ale vybar tut za Biełaruśsiu.
Joj nichto nie zabaronić, kali jana zachoča samaizalavacca».
Pavodle Sikorskaha, jon rychtujecca da «mužčynskaj razmovy z MZS Biełarusi».
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary