Sport

55-hadovaja niamieckaja vieršnica zavajavała svajo 8-je alimpijskaje zołata. Jana źbiraje ŭznaharody ŭžo 32 hady

Na Alimpijskich hulniach u Paryžy zaviaršylisia žanočyja kamandnyja spabornictvy pa konnym sporcie ŭ dyscyplinie «vyjezdka». Pieramohu atrymała zbornaja Hiermanii, a ŭ jaje składzie — lehiendarnaja ŭ hetym vidzie sportu spartsmienka Izabel Viert.

Izabel Viert (sprava) na pjedestale z čarhovym alimpijskim zołatam. Jaje partniorka, 38-hadovaja Džesika fon Bredoŭ-Verdl, taksama, darečy, u hetaj spravie nie navičok — dla jaje hety załaty miedal užo treci. I tolki 37-hadovy Frederyk Vandres padniaŭsia na alimpijski pjedestał upieršyniu. Fota: AP Photo/Mosa'ab Elshamy

Dla 55-hadovaj Izabel Viert załaty alimpijski miedal staŭ 8-m u karjery, a pieršy jana zavajavała ažno 32 hady tamu — va ŭžo dobra taki pryzabytaj Barsiełonie-1992. Tady heta taksama była pieramoha ŭ składzie kamandy, jakaja paśla paŭtaryłasia ŭ Atłancie-1996, Sidnei-2000, Piekinie-2008, Tokia-2020, i voś ciapier — u Paryžy-2024. 

U indyvidualnym pieršynstvie Viert była mienš udałaja, ale tolki adnosna, bo ŭ Atłancie-1996 hodzie była pieršaj i tam, a ŭ Barsiełonie-1992, Sidnei-2000, Piekinie-2008, Rya-de-Žanejra-2016, Tokia-2020 zastavałasia sa srebram.

Uvohule Izabel Viert zavajoŭvała załatyja i srebranyja miedali na ŭsich Alimpijskich hulniach, u jakich brała ŭdzieł. Ich było 7: Afiny-2004 i Łondan-2012 jana prapuściła.

Pa stanie na hety momant jość tolki 5 spartsmienaŭ, jakija za ŭsiu amal 130-hadovuju historyju sučasnych Alimpijskich zavajoŭvali bolš załatych miedalaŭ, čym Viert:

  • Majkł Fiełps (ZŠA) — płavańnie (23);
  • Mark Śpic (ZŠA), płavańnie (9);
  • Karł Ljuis (ZŠA), lohkaja atletyka (9);
  • Paava Nurmi (ZŠA) (Finlandyja), lohkaja atletyka (9);
  • Łarysa Łatynina (SSSR), spartyŭnaja himnastyka (9).

I kali daciahnucca da Fiełpsa ŭ Izabel Viert niama navat čysta tearetyčnych šancaŭ, to da astatniaj čaćviorki jany jość navat na hetaj Alimpijadzie: u Paryžy jana vystupaje i ŭ asabistym pieršynstvie, miedali ŭ jakim buduć razyhranyja zaŭtra.

Kali ž nie, to ŭ vieršnikaŭ navat 55 hadoŭ jašče nie abaviazkova kaniec karjery: heta adzin z zusim niamnohich vidaŭ sportu, dzie možna spaborničać na vysokim uzroŭni da piensii nie tolki ŭ spartyŭnym jaje razumieńni. Tamu dla Izabel Viert heta moža być jašče i nie apošniaja Alimpijada.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy8

Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy

Usie naviny →
Usie naviny

Praŭładny Sajuz piśmieńnikaŭ pašyraje svaje šerahi za košt rasijskich litarataraŭ3

HUBAZiK pakazaŭ fota za kratami Maćvieja Bialaja, raniej asudžanaha ŭ Litvie za napad na biełaruskaje pasolstva3

«Dumajecie, ja hety pašpart doma nie šukała?» Volha Siamaška prakamientavała situacyju z dakumientam prykryćcia svajho muža25

Pracuje ŭ kałhasie, piša knihi i pijaryć rodnaje Paleśsie. Heta ŭsio pra 27-hadovaha Dzieda Jankiela3

Mužčyna padchapiŭ ciažkuju infiekcyju lohkich praz zvyčku niuchać svaje brudnyja škarpetki5

U Biešankovičach cieraź Dźvinu pierakinuli pantonny most FOTA2

Pinhvin staŭ pryčynaj katastrofy viertalota ŭ Paŭdniovaj Afrycy7

U Maskvie vykrali i pabili baćku padletka, čyjo cieła vystavili napakaz na płoščy ŭ Čačni11

U vietkaŭskim lashasie bunt z-za nizkich zarobkaŭ — daviałosia ŭmiašacca hienieralnamu dyrektaru abjadnańnia11

bolš čytanych navin
bolš łajkanych navin

Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy8

Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy

Hałoŭnaje
Usie naviny →

Zaŭvaha:

 

 

 

 

Zakryć Paviedamić