Niekatorym svajakam zahinułych padčas trahiedyi na Niamizie i vybuchu ŭ mietro daduć biaspłatny prajezd
Novaja miera sacpadtrymki ŭvodzicca ŭ Minsku dla niekatorych členaŭ siemjaŭ zahinułych padčas trahičnych padziej na stancyi mietro «Niamiha» 30 maja 1999 hoda i padčas vybuchu na stancyi «Kastryčnickaja» 11 krasavika 2011 hoda.
Heta vynikaje z rašeńnia Minharsavieta №55, aficyjna apublikavanaha na Nacyjanalnym pravavym internet-partale ŭ čaćvier.
«Štomiesiačnaja apłata koštu prajaznoha dakumienta na haradskija pieravozki pasažyraŭ na miesiac (adziny), terminam dziejańnia kalandarny miesiac», — apisana lhota ŭ dakumiencie. Rašeńnie ŭstupić u siłu paśla jaho aficyjnaha apublikavańnia, heta — 9 žniŭnia.
Zhodna z dakumientam, apłata prajaznoha budzie dla ŭsich členaŭ siemjaŭ zahinułych.
Majucca na ŭvazie tolki niepracujučyja pažyłyja baćki, a taksama ŭdovy i ŭdaŭcy, jakija nie ŭstupili ŭ novy šlub.
Padčas ciskaniny na Niamizie 30 maja 1999 hoda zahinuli 53 čałavieki, pieravažna maładyja ludzi, vybuch na stancyi mietro «Kastryčnickaja» zabraŭ žyćci 11 čałaviek, jašče čatyry čałavieki pamierli ŭ balnicach.
Cichanoŭskaja pavinšavała tvitar z hadavinaj bitvy pad Oršaj. I tut pačałosia13
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary