Žychary centra i zachadu Biełarusi narakajuć na smuhu i pach haru. U Vilni raspaŭsiudzili tryvožnaje apaviaščeńnie. Što adbyvajecca?
MNS Biełarusi zachoŭvaje maŭčańnie, ale apaviaščeńnie Litvy i foty NASA dajuć kluč da razumieńnia situacyi.
Učora žychary Lidy, Navahradka, Słonima, Vilni nazirali smuhu, jakaja zasłaniała sonca, i adčuvali lohki pach haru.
U Biełarusi ŭłady zachoŭvali maŭčańnie, žycharam uschodu Litvy Ministerstva achovy zdaroŭja razasłała «tryvožnuju esemesku» — tak u Litvie apaviaščajuć pra nadzvyčajnyja situacyi.
Siońnia dym pieramiaściŭsia ŭ kirunku Minska. Pieršymi jaho adčuli žychary zachodnich rajonaŭ stalicy.
Infarmacyju ab jakaści pavietra ŭ realnym časie publikuje sajt World's Air Pollution. Sajt atrymlivaje infarmacyju z datčykaŭ i adrazu pakazvaje indeks zabrudžvańnia.
Pavodle danych World's Air Pollution, u Minsku sapraŭdy jość prablema z pavietram. Datčyk na vulicy Bielskaha, Kalinoŭskaha i Kalcova pakazvaje ŭzrovień zabrudžvańnia, jaki abaznačany jak «niezdarovy».
Što adbyvajecca?
Sanitarnyja słužby Litvy źviazali smoh z «pažarami ŭ lasach i na tarfianikach» Biełarusi. I paprasili tych ź ludziej, jakija kiepska pieranosiać smoh, mienš być na dvare, trymać vokny zakrytymi i čaściej rabić pryborku.
Adnak my nie majem infarmacyi pra lasnyja pažary ci pažary tarfianikaŭ na terytoryi Biełarusi. U toj ža čas spadarožnikavyja zdymki NASA, mahčyma, dajuć kluč da taho, što adbyvajecca.
Na ich vidać chvost dymu ad vialikaha pažaru ŭ Čarnobylskaj zonie na terytoryi Ukrainy. A taksama anałahičny chvost ad łancuha pažaraŭ u zonie bajavych dziejańniaŭ u Branskaj vobłaści Rasii i Čarnihaŭskaj vobłaści Ukrainy — tam uzharańni vialikija, lasy sioleta stajać vyklučna suchija. Nahadajem, što i ŭ Mahiloŭskaj i Homielskaj abłaściach Biełarusi abvieščana pra samy vysoki ŭzrovień pažarnaj niebiaśpieki.
My pisali pra klimatyčnuju anamaliju: u Biełaruś i Litvu pieramiaściłasia pavietra z Centralnaj Azii. Viecier u hetyja dni — paŭdniova-uschodni.
Mahčyma, napramak vietru i inšyja mietearałahičnyja ŭmovy takija, što dym ad pažaraŭ u Čarnobylskaj zonie i ŭ zonie bajavych dziejańniaŭ zasłaŭ zachad Biełarusi, a siońnia dajšoŭ da Minska.
Budziem čakać infarmacyi ad MNS Biełarusi. Pakul jaje nie było.
Dziaržaŭnyja orhany Litvy nie paviedamlajuć pra źmienu radyjacyjnaj situacyi.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary
Padviazvajcie z raskošaj, pakul planetka hinie