Minskaje mora znoŭ pazielanieła. Ci niebiaśpiečna ŭ im płavać?
Śpiecyjalisty śćviardžajuć, što zmahacca ź zialonym koleram vady nie varta.
Fota: Onliner.by
Hetym haračym letam Zasłaŭskaje vadaschovišča pad Minskam karystajecca asablivaj papularnaściu-plažy na Minskim mory zapoŭnienyja. Adnak trochi psuje ŭražańni ad adpačynku vada, jakaja afarbavałasia ŭ zialony koler. Płavać u takim vadaschoviščy nie vielmi kamfortna.
Zasłaŭskaje vadaschovišča ćvicie praktyčna štohod. Padčas śpiakoty ŭ vadzie pavialičvajecca kolkaść zialonych i sinie-zialonych vodaraściaŭ, i letam jana nabyvaje charakterny koler, piša Onliner.
Ale ci niebiaśpiečna płavać u takoj vadzie? Za jaje jakaściu sočyć Minski haradski centr hihijeny i epidemijałohii. 2 žniŭnia praz «pieravyšeńnie indykatarnaha mikrabijałahičnaha pakazčyka biaśpieki» kupańnie zabaranili na niekatorych plažach vadaschovišča Drazdy, na Cniancy i na 5-m plažy Minskaha mora.
7 žniŭnia abmiežavańni źniali z usich aficyjnych plažaŭ horada, heta značyć Minskaje mora biaśpiečnaje dla kupańnia. Ale vadajomy pa-raniejšamu vyhladajuć nie vielmi pryvabna.
Ale ci varta zmahacca ź zialonym koleram vady? Ekśpierty kažuć, što lepš pakinuć usio jak jość. Na dumku staršyni hramadskaha abjadnańnia «Ekałahičnaja inicyjatyva» Volhi Vołkavaj, baraćba ź zialonym koleram naniasie škodu ekasistemie: «Jość teoryja, što pry vysadcy padvodnych raślin kolkaść fitapłanktonu pamienšycca, bo jany buduć kankuravać. Ale dla Minskaha mora takaja stratehija nie padychodzić. Čamu? Jana vykarystoŭvajecca dla nievialikich štučnych vadajomaŭ. Jość chimičnyja rečyvy (alhicydy i funhicydy), jakija spyniajuć rost bahavińnia. Jany vykarystoŭvajucca dla ačystki basiejnaŭ».
Eks-palitźniavolenaja raskazała, jak vychodziła pa pamiłavańni i pra toje, što čuvać pra Kaleśnikavu1
Kamientary