«Likvidavany». U balnicy pamior chłopiec, jakoha siońnia zatrymali za zabojstva. Jon chavaŭsia razam z maci try hady
33-hadovaha Alaksandra Lipskaha padazrajuć u zabojstvie žančyny.
Milicyjaniery aryštavali 33-hadovaha minčuka Alaksandra Lipskaha, jakoha padazrajuć u zabojstvie. Jak śćviardžajuć siłaviki, pry zatrymańni jon staŭ adstrelvacca. U adkaz była ŭžytaja zbroja, z ranieńniem Lipskaha advieźli ŭ balnicu.
Milicyjant praviaraje puls Lipskaha. Skryn videa
Abnoŭlena: Lipskaha špitalizavali, adnak paśla źjaviłasia infarmacyja ab jaho śmierci. «Likvidavany» — paviedamiła milicyja.
Jaho padazrajuć u datyčnaści da zabojstva, jakoje adbyłosia ŭ listapadzie 2021 hoda ŭ staličnaj Sierabrancy. Tady ŭ kvateru na praśpiekcie Rakasoŭskaha ŭvarvaŭsia ŭzbrojeny mužčyna i niekalki razoŭ streliŭ u 33-hadovuju žančynu. Jana zahinuła. Aproč taho, napadnik pasprabavaŭ zabić jaje muža, ale toj zastaŭsia žyvym.
Čytajcie: Što viadoma pra dziŭnuju historyju ŭ Sierabrancy? Śviedka: «Pačulisia kryki «Zabivajuć!»
Pa haračych śladach u vyšuk abjavili Alaksandra Lipskaha i jaho maci Raisu Lipskuju. Mierkavałasia, što jana chavałasia razam z synam. Ciapier pra los žančyny ničoha nie paviedamlajecca.
Na miesca zatrymańnia Lipskaha vyjechaŭ ministr unutranych spraŭ Ivan Kubrakoŭ.
Kamientary