Rasija pryznała try pryloty ŭkrainskich ATACMS pa svaich abjektach i paabiacała adpomścić
Ministerstva abarony Rasii pryznała, što 23 i 25 listapada try dalnabojnyja rakiety ATACMS, zapuščanyja Uzbrojenymi siłami Ukrainy, dasiahnuli celaŭ u Kurskaj vobłaści.
Pavodle infarmacyi ahienctva «RIA Novosti» sa spasyłkaj na rasijskaje Minabarony, za apošnija try dni USU nanieśli dva ŭdary dalnabojnaj zachodniaj zbrojaj pa abjektach u Kurskaj vobłaści.
23 listapada piać rakiet ATACMS prylacieli ŭ rajon nasielenaha punkta Łotaraŭka pa pazicyi zienitnaha rakietnaha dyvizijona S-400. Try ź ich nibyta byli źniščanyja, dźvie — dasiahnuli mety.
25 listapada USU nanieśli ŭdar rakietami ATACMS pa aeradromie «Kursk-Uschodni». Śćviardžajecca, što siem rakiet byli źbityja, adna dasiahnuła mety. U Minabarony zajaŭlajuć, što ad padzieńnia askiepkaŭ rakiet dvoje vajskoŭcaŭ atrymali «lohkija ranieńni».
Taksama paviedamlajuć, što padčas abśledavańnia miescaŭ prylotaŭ «paćvierdžana, što USU nanosili ŭdary rakietami ATACMS amierykanskaj vytvorčaści».
Minabarony RF zajaviła, što «rychtuje dziejańni ŭ adkaz na ataki USU rakietami ATACMS u Kurskaj vobłaści».
Bieły dom aficyjna pryznaŭ, što dazvoliŭ Ukrainie nanosić udary ŭ hłybiniu Rasii
Ukraincy ŭdaryli rakietami ATACMS pa C-400 u Kurskaj vobłaści — zahinuli piać rasijskich aficeraŭ
Šolc: Užyvańnie Rasijaj novaj hipierhukavaj rakiety aznačaje, što treba paźbiahać eskałacyi
Krynica ŭ Pientahonie raskazała pra vyniki ŭkrainskaj ataki ATACMS pa Branskaj vobłaści
Zialenski: Ciapier u nas jość ATACMS. My ŭsio heta budziem vykarystoŭvać
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich22
Kamientary