Siły abarony Ukrainy vybili rasijan z horada Kupianska, što na Charkaŭščynie. Pra heta ŭ noč na 26 listapada paviedamili analityki prajekta DeepState. Taksama heta paćvierdzili z-błohiery.
U noč na 14 listapada DeepState paviedamiŭ ab paśpiachovych prasoŭvańniach akupacyjnych vojskaŭ Rasii na ŭschodzie Ukrainy: u pryvatnaści, rasiejcam udałosia ŭvajści ŭ Kupiansk.
Jašče ŭčora rasijskija kanały byli poŭnyja aptymizmu.
«Našy častki, pierapraviŭšysia praz Askoł, zdoleli zaniać płacdarm na zachodnim bierazie raki. Pryčym, što charakterna, my biez boju zaniali akopy voraha, jakija akazalisia… pustymi. I atrymali pry hetym adrazu i płacdarm, i dobra abstalavanyja pry hetym pazicyi. Vielmi ŭžo niaredkaja dla frontu źjava. Što akopy akazvajucca pustymi praź niedachop piachoty. Toje ž samaje zaraz masava nazirajecca ŭ rajonie Vialikaj Navasiołki», — pisaŭ napiaredadni kanał Juryja Padalaki.
Adnak siońnia ŭžo jon paviedamiŭ, što Kupiansk rasijanie pakinuli.
«Na žal, zmušany kanstatavać, što naša kamandavańnie hrupoŭki «Zachad» nie zdoleła skarystacca mahčymaściu, jakaja adkryłasia z pryčyny błytaniny pry ratacyi sił sapiernika ŭ Kupiansku. Usio ž akramia šancavańnia pavinna być jašče i ŭmieńnie. A hetaha jakraz i nie było.
A tamu kanstatujem, što sapiernik zdoleŭ nas vybić z paŭnočna-ŭschodnich uskrain horada, i navat płacdarm, jaki my stvaryli, a ŭčora i pašyryli, na inšym bierazie raki Askoł nie moža być nam pry hetym suciašeńniem», — napisaŭ z-błohier.
Kanał «Biełaruski siłavik» dadaje, što infarmacyju pra zdaču Kupianska jamu paćvierdzili jašče try nie źviazanyja pamiž saboj krynicy, jakija tam vajujuć.
«Praciŭnik u chodzie bajoŭ vybiŭ adtul našy niešmatlikija siły. Viečnaja pamiać zahinułym tam u bajach voinam», — piša kanał.
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich22
Kamientary