Šejpinh, fitnes, prodaž ryštunku dla harnałyžnikaŭ.
Ci možna pabudavać biźnies na fizyčnaj kultury dy sporcie? Jak pačać jaho ź minimalnymi inviestyccyjami i jakuju vybrać stratehiju raźvićcia? Kolki vydatkoŭvajuć biełarusy na zaniatki sportam? Sprabuje razabracca prahrama «Asabisty kapitał» Biełsata.
Kali vy pačynajecie biźnies u śfiery masavaha sportu, tańniej usiaho heta zrabić tak, jak zrabiła minčanka Inha Babankova. Jana — indyvidualny trenier šejpinhu, chacia spačatku zajmałasia sportam prosta dla siabie.
«Ludzi prychodziać «na treniera», tut ty pracuješ ź ludźmi i tvaja asoba — vielmi važny faktar dla pośpiechu biźniesa. I buduć chadzić ludzi! Ale chtości źbiare hrupu za miesiac — a kamuści treba paparacavać daŭžej. Ale ludzi buduć», — havoryć Inha Babankova.
Pačaŭšy z adnaho vida sportu, varta pryhledziecca da schiemy, kali klijentam prapanoŭvajecca adrazu šyroki śpiektr pasłuh — zał fitniesu i trenažory. Uładalnik fitnes-kłuba spadar Alaksandr Laparski pieraściarahaje – u dzionny čas zali buduć pustavać, asnoŭny napłyŭ klijentaŭ — u viačerni čas. Hieroi prahramy raspaviadajuć jaki ŭzrovień koštaŭ treba trymać, kab zastavacca «na płyvu».
Biźnies možna arhanizavać nie na spartovych pasłuhach niepasredna, a naprykład zdavać u arendu spartovaje abstalavańnie. Tak zrabiŭ minčuk Valer Jafimiec, u jaho — punkt prakata hornałyžnych pryładyŭ dy abutku, pakul adziny ŭ Miensku. Klijenty — i tyja, chto źbirajeccca ŭ Siličy, i tyja, chto jedzie na niekalki dzion na zamiežnyja kurorty.
Jak arhanizavać hety biźnies, hladzicie ŭ videa:
Kamientary