Cichanoŭskaja naviedała Biełaruski pravasłaŭny prychod u Vilni paśla napadu
Biełaruskaja nacyjanalnaja lidarka sustrełasia sa śviatarami i viernikami Biełaruskaha pravasłaŭnaha prychodu ŭ Vilni. Padčas sustrečy joj praviali ekskursiju pa carkvie, paviedamlaje jaje telehram-kanał.
Fota: OSC
Da sustrečy taksama dałučyłasia MZS Litvy ŭ asobie Asty Andryjauskienie, ambasadarki pa asablivych daručeńniach, a taksama pradstaŭniki dypłamatyčnaha korpusu.
Na pačatku vieraśnia na carkvu ździejśnili napad i abstralali vokny ź pnieŭmatyčnaj zbroi. Padčas razmovy ź biełaruskaj lidarkaj śviatar Alaksandr padkreśliŭ, što takija dziejańni parušajuć usie isnujučyja mižnarodnyja zakony: «Zrazumieła, što ŭ nas nie vajna, ale toje, što nielha rabić padčas vajny pa Ženieŭskaj kanviencyi, u mirny čas rabić uvohule niedapuščalna».
«Na žal, nahoda vizitu nie vielmi dobraja, ale nasupierak namahańniam režymu, takija rečy tolki natchniajuć i abjadnoŭvać ludziej. Viedajecie, hety napad nahadaŭ mnie časy, kali AMAP błakavaŭ dźviery ŭ Čyrvonym Kaściole ŭ Minsku. I voś ciapier u Vilni, u roznych miescach, dzie pracujuć i robiać svaju spravu biełarusy, režym namahajecca pakinuć śled hvałtu i nianaviści. Ale ž, mnie vielmi pryjemna było paznajomicca z prychodam i daviedacca bolš pra jaho historyju. Śviatar Alaksandr skazaŭ vielmi hruntoŭnuju reč, jakaja mnie adhuknułasia: «Vy možacie zastavacca pravasłaŭnymi, ni na krok nie zdradzić sabie i svajoj viery, vy možacie nie być źviazanymi z tym hvałtam, jaki adbyvajecca ŭ Biełarusi», — skazała Śviatłana Cichanoŭskaja.
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
-
«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel
-
«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary