Łukašenka patłumačyŭ, čamu ŭ Biełarusi maŭčać, što praź jaje tudy-siudy lotajuć rasijskija šachiedy
Pavodle słoŭ Łukašenki, amierykancy nibyta namaŭlajuć Kijeŭ pry spryjalnych abstavinach atakavać biełaruskuju pamiežnuju infrastrukturu, ale jamu ŭdałosia pryjści z ukraincami da niečakanaha parazumieńnia.
«Pavinien vam adkryta zajavić: My damovilisia pa kanałach z ukraincami, što my nie budziem u ŚMI padśviatlać fakty zalotu bieśpiłotnikaŭ, i rasijskich i ŭkrainskich, na našu terytoryju», — zajaviŭ Łukašenka na zbory svaich prychilnikaŭ, pryśviečanym tak zvanamu «Dniu narodnaha adzinstva».
Pry hetym jon abvinavaciŭ ZŠA ŭ tym, što jany, maŭlaŭ, nakazali Kijevu, kali składucca abstaviny, atakavać našu infrastrukturu pa paŭdniovaj miažy:
«Ja chaču spytać u amierykancaŭ: vy miru chočacie, mirnych pieramoŭ ci eskałacyi situacyi? Ja niezdarma heta pytajusia. Tamu što jany apošnim časam vielmi časta namiakali pra pieramovy. I navat vystavili ŭmovu. My pahadzilisia. A jak tady heta razumieć?»
Pry hetym Łukašenka taksama padzialiŭsia svaimi strachami adnosna taho, što jaho mohuć vyklučyć z budučych mirnych pieramoŭ, i što na heta, akazvajecca, majuć upłyŭ biełaruskija demakratyčnyja siły:
«Im nie cierpicca vyvieści z areny palityčnych dziejańniaŭ prezidenta Biełarusi. Litva, jak heta było napiaredadni abo ŭ pieršyja dni śpiecyjalnaj vajennaj apieracyi Rasii va Ukrainie, inicyjuje ŭ Mižnarodnym kryminalnym sudzie ŭ Haazie razhlad biełaruskaha pytańnia. Meta — pryciahnuć prezidenta Biełarusi da adkaznaści i vyklučyć jaho z paradku dnia. Jak jany pišuć, kab prezident Biełarusi, kali pačnucca mirnyja pieramovy va Ukrainie, nie zmoh brać udzieł u hetych pieramovach».
Pry hetaj nahodzie jon dasłaŭ svaim apanientam pahrozy:
«Ja chaču, kab jany pačuli siońnia, z hetaj vysokaj trybuny, my viedajem pra ŭsie zadumy. I ničoha ŭ ich nie atrymajecca. Jany nie zmohuć jašče raz paŭtaryć toje, što było ŭ 2020 hodzie. My — ludzi, jakija ŭmiejuć zdabyvać uroki ź minułaha».
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia28
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary