U krasoŭkach i šyrokich džynsach: budučaja karaleva Bielhii pakazała stylny vobraz dla navučańnia
Zaraz dziaŭčyna budzie vučycca ŭ Harvardzie.
Pryncesa Bielhii Lizavieta pakazała vytančany i prosty vobraz dla navučańnia. 22-hadovaja karaleŭskaja asoba pačała kurs u Harvardskim univiersitecie.
Fota: Belgianroyalpalace
Lizavieta niadaŭna atrymała stupień u halinie historyi i palityki ŭ Linkaln-kaledžy Oksfardskaha univiersiteta i aficyjna pierajechała ŭ Złučanyja Štaty, kab pačać vučobu ŭ mahistratury.
Karaleŭski pałac padzialiŭsia niekalkimi aficyjnymi zdymkami pryncesy ŭ kampusie razam z podpisam: «Pryvitańnie, ZŠA! Pryncesa Lizavieta pačynaje navučańnie na mahistarskaj prahramie pa dziaržaŭnaj palitycy ŭ Harvardzie».
Na fotazdymkach možna ŭbačyć, jak starejšaja dačka karala Filipa i karalevy Macildy, apranutaja ŭ rassłablenyja šyrokija džynsy, karyčnievy džempier i krasoŭki, hulaje pa kampusie. Na zdymkach dziaŭčyna raspuściła vałasy ŭ svabodnyja chvali i hladzić u kamieru, niesučy svaje knižki i sumku.
Fota: Belgianroyalpalace
Lizavieta naradziłasia 25 kastryčnika 2001 hoda i źjaŭlajecca budučaj karalevaj Bielhii, jak starejšaje dzicia karaleŭskaj siamji. Jana maje tytuł hiercahini Brabanckaj i naradziłasia padčas kiravańnia svajho dzieda, Albierta II. Jon adroksia ad pasady na karyść svajho syna ŭ 2013 hodzie, što stała precedentam dla niadaŭniaha adračeńnia ad pasady inšaj jeŭrapiejskaj manarchini — karalevy Danii Marhrete II.
U Lizaviety troje małodšych bratoŭ i siaścior: 20-hadovy prync Habryel, 18-hadovy prync Emanuel i 15-hadovaja pryncesa Eleanora, piša Oboz.ua.
Kamientary