Rasijski prapahandyst vydavaŭ siabie za žurnalista Ruskaj słužby Bi-bi-si, kab sačyć za apazicyjanierami za miažoj
Były supracoŭnik NTV i miedyjahrupy «Iźviestija» Ajrat Šyrajeŭ, jaki ciapier pracuje na kampaniju — vytvorcu kantentu dla rasijskaha prapahandysckaha telekanała «Rien-TV», vydavaŭ siabie za karespandenta Ruskaj słužby Bi-bi-si Marka Nazarava, kab atrymać mahčymaść zdymać mierapryjemstvy z udziełam rasijskich apazicyjanieraŭ u Jeŭropie. Pra heta paviedamiła sama Ruskaja słužba Bi-bi-si.
Šyrajeŭ, jak śćviardžajecca, zarehistravaŭ akaŭnty ŭ miesiendžarach na brytanski numar telefona pad imiem «Mark Nazaraŭ», stvaryŭ poštu z adrasam na imia Marka Nazarava sa zhadkaj Bi-bi-si i navat nadrukavaŭ padroblenuju pres-kartu karespandenta Brytanskaj viaščalnaj karparacyi.
Pad imieniem Marka Nazarava Šyrajeŭ pasprabavaŭ akredytavacca na sustreču z rasijskaj televiadučaj Taćcianaj Łazaravaj, jakaja pryjechała ŭ Dziusieldorf na zdymki prajekta pra padletkaŭ-mihrantaŭ. Arhanizatar sustrečy aktyvist Juryj Nikicin paśla pierapiski z Nazaravym zasumniavaŭsia ŭ tym, što jon pracuje ŭ Bi-bi-si, bo nie znajšoŭ zhadak takoha reparciora na sajcie vydańnia.
Ustanavić asobu psieŭdareparciora ŭdałosia z dapamohaj zvarotnaha pošuku pa fatahrafii ź jaho profilu ŭ telehramie. Jon pryvioŭ na staronku va «VKontaktie» pad imiem Harizmatica Shiryaev. Na hetaj ža staroncy jon pradstaŭlajecca całkam — Ajrat Maratavič Šyrajeŭ. Na staronkach u inšych sacsietkach jahonym miescam pracy paznačana «Rien-TV».
Kali «Marku Nazaravu» patelefanavali na paznačany brytanski numar i pasprabavali vyśvietlić jahonuju asobu, jon praciahvaŭ nastojvać, što pracuje ŭ Bi-bi-si, a raniej nibyta pracavaŭ «na «Echie Moskvy» i źjechaŭ z Rasii paśla pačatku vajny z Ukrainaj. Na pytańnie, čamu jaho nazyvajuć Ajratam, jon zajaviŭ, što heta nieparazumieńnie.
Kali nieŭzabavie Šyrajevu napisali ŭ telehram, užo pa jahonym rasijskim numary telefona, jon napisaŭ u adkaz:
«Nie zadavajcie durnych pytańniaŭ, kab nie atrymlivać durnych adkazaŭ. A ja nie chaču raskazvać. Asabliva takim tavaryšam, jak vy. Źmienicie pazicyju, pryjedziecie ŭ Maskvu, moža, raskažu, jak maja fatahrafija na pres-karcie «Bi-bi-si» apynułasia. A ciapier ja prapanuju vam źlicca ŭ zakat i nie pieraškadžać pracavać».
U Rasii chočuć admianić reabilitacyju značnaj kolkaści achviar savieckich represij. Pakinuć tolki apalityčnych i «dobranamieranych»
Aktyvist fondu Tałaja pachvaliŭsia, što finansava damahaje rasijskaj armii i robić uniosak u «ahulnuju pieramohu»
U šou Sałaŭjova pryznali, što šancy Rasii na pieramohu ŭ realnym supraćstajańni z NATA roŭnyja nulu
Sałaŭjoŭ dapuściŭ adstaŭku Pucina dziela lepšaj abarony Rasii?
Kamientary