Bieły dom razhladaje novuju jadziernuju daktrynu Rasii jak praciah rytoryki, charakternaj dla RF na praciahu apošnich dvuch hadoŭ.
Administracyja ZŠA, nie «nazirajučy nijakich źmien u pazicyi Rasii pa jadziernaj zbroi, nie bačyć nijakich pryčyn dla karekciroŭki amierykanskaj pazicyi i daktryny ŭ adkaz na siońniašnija zajavy Rasii», zajaviŭ u aŭtorak aficyjny pradstaŭnik Biełaha doma, piša «Hołas Amieryki».
«My nie byli ździŭlenyja zajavaj Rasii ab tym, što jana abnović svaju jadziernuju daktrynu… Heta bolš padobna na tuju ž biezadkaznuju rytoryku z boku Rasii, jakuju my bačym ciaham apošnich dvuch hadoŭ. Jak my skazali Rasii niekalki tydniaŭ tamu, vykarystańnie Rasijaj sałdataŭ KNDR u bajavych dziejańniach suprać Ukrainy ŭjaŭlaje saboj značnuju eskałacyju jaje vajny suprać Ukrainy, i my papiaredžvali, što Złučanyja Štaty [na jaje] adkažuć», — padkreśliŭ pradstaŭnik Biełaha doma.
Raniej pra biezadkaznaść rašeńniaŭ Kramla zajaviŭ pradstaŭnik premjer-ministr Vialikabrytanii Kir Starmier.
«Było b spraviadliva skazać, što heta apošni prykład biezadkaznaści, jaki my ŭbačyli z boku razbeščanaha rasijskaha ŭrada, i my pa-raniejšamu ćviorda padtrymlivajem Ukrainu», — skazaŭ jon, vystupajučy pierad žurnalistami.
Pucin padpisaŭ ukaz «Ab zaćviardžeńni Asnoŭ dziaržaŭnaj palityki RF u halinie jadziernaha strymlivańnia», jaki byŭ apublikavany na dziaržaŭnym sajcie RF i adrazu ž ustupiŭ u siłu.
Na hety krok Maskva pajšła praź niekalki dzion paśla taho, jak stała viadoma, što Bieły dom daŭ Ukrainie dazvoł na zapusk rakiet amierykanskaj vytvorčaści ŭhłyb rasijskaj terytoryi.
Čym ciapier žyvie hierainia stylovaha fota z Maršu žančyn 2020-ha9
Kamientary