U Francyi z-za skaračeńnia suśvietnaha popytu na vino źniščać častku vinahradnikaŭ
Francyja, jakaja źjaŭlajecca najbujniejšym vytvorcam vina ŭ śviecie, atrymała ad Jeŭrasajuza 120 młn jeŭra na źniščeńnie častki vinahradnikaŭ u krainie ŭ suviazi sa skaračeńniem suśvietnaha popytu na hety napoj, paviedamlaje Bloomberg.
Ministerstva sielskaj haspadarki Francyi zajaviła, što Jeŭrapiejskaja kamisija zaćvierdziła finansavańnie na vysiakańnie vinahradnikaŭ pa staŭcy 4 tysiačy jeŭra za hiektar.
Usiaho na hetyja mety budzie vydzielena 120 młn jeŭra, što aznačaje skaračeńnie kala 30 tysiač hiektaraŭ vinahradnikaŭ, što składaje pryblizna 4% ad ahulnaj płoščy vinahradnikaŭ u krainie.
«Situacyja ŭ vinarobnym siektary sapraŭdy vyklikaje zaniepakojenaść: prahnazujecca rezkaje skaračeńnie ŭradžaju z-za źmieny klimatu, padzieńnia spažyvańnia vina i vielmi vysokaj kankurencyi», — paviedamlaje Ministerstva sielskaj haspadarki Francyi.
Adznačajecca, što suśvietnaje spažyvańnie vina praciahvaje źnižacca, a ŭzrovień vytvorčaści ŭ minułym hodzie dasiahnuŭ minimumu za apošnija 60 hadoŭ.
U Francyi ahulnaja płošča vinahradnikaŭ składaje 789 tysiač hiektaraŭ, što składaje 11% ad suśvietnaj płoščy vinahradnikaŭ.
Čakajecca, što vytvorčaść vina ŭ krainie sioleta źnizicca da 40-43 miljonaŭ hiektalitraŭ (u 2023 hodzie było 48 młn).
Bližejšym časam buduć vyzvaleny bolš za 150 palitźniavolenych39
Kamientary
ni chrena sabie jany tam hrošy pilać