23 lutaha za «niezakonnaje» raśpićcio piva ŭ Minsku skłali 80 pratakołaŭ
23 lutaha, u pieršy dzień prymianieńnia papravak u KoAP, u Minsku za raśpićcie piva ŭ hramadskich miescach było składziena 80 administracyjnych pratakołaŭ.Pra heta paviedamiŭ načalnik adździeła infarmacyi i hramadskich suviaziaŭ HUUS Minharvykankama Alaksandr Łastoŭski.
Nahadajem, zhodna z novaj redakcyjaj artykuła 17.3 Kodeksa ab administracyjnych pravaparušeńniach praduhledžana adkaznaść za raśpićcie słabaałkaholnych napojaŭ ci piva ŭ hramadskich miescach. Takimi pryniata ličyć vulicu, stadyjon, skvier, park, hramadski transpart ci inšyja hramadskija miescy, za vyklučeńniem miescaŭ, pryznačanych dla spažyvańnia ałkaholnych, słabaałkaholnych napojaŭ ci piva.
Pavodle słoŭ Łastoŭskaha, najbolšaja kolkaść pratakołaŭ była składziena ŭ Maskoŭskim (21), Savieckim (15), Partyzanskim (10) i Centralnym (9) rajonach, najmienšaja — u Leninskim (2), Pieršamajskim (3), Zavodskim, Kastryčnickim i Frunzienskim (pa 6). Dva pratakoły skłali supracoŭniki adździeła ŭnutranych spraŭ pa achovie mietrapalitena.
U HUUS adznačajuć, što kolkaść składzienych pratakołaŭ nie adlustroŭvaje realnaj situacyi ŭ horadzie.
Sprava ŭ tym, što ŭ pieršy dzień novaŭviadzieńnia milicyjaniery rabili skidku na śviata i niedaśviedčanaść niekatorych minčan, tamu abmiažoŭvalisia ŭ asnoŭnym prafiłaktyčnaj hutarkaj. A pratakoły składalisia ŭ dačynieńni da hramadzian, jakija akramia taho, što raśpivali piva, znachodzilisia jašče i ŭ stanie mocnaha ałkaholnaha apjanieńnia.
Kamientary