Dvuch rasijskich kantraktnikaŭ asudzili ŭ Rasii da pažyćciovaha za rasstreł dzieviaci čałaviek u akupavanaj Vałnavasie
Achviary spali ŭ svaich damach, kali byli zabityja.
Dva rasijskija kantraktniki — Stanisłaŭ Rau i Anton Sopaŭ — byli prysudžanyja da pažyćciovaha źniavoleńnia Paŭdniovym akruhovym vajennym sudom u Rastovie-na-Donie za masavaje zabojstva dzieviaci mirnych žycharoŭ u akupavanaj Vałnavasie, jakoje adbyłosia ŭ kastryčniku 2023 hoda, piša Astra.
Złačynstva było ździejśniena ŭ noč z 27 na 28 kastryčnika, kali rasijskija vajennyja rasstralali siamju Kapkaniec i ich haściej, siarod jakich byli dvoje maleńkich dziaciej.
Achviary spali ŭ svaich damach, kali byli zabityja.
Pavodle śviedčańniaŭ susiedziaŭ, zabojstva było źviazana z asabistaj svarkaj adnaho z vajennych z mužam Natalli Kapkaniec, a taksama, mahčyma, sa sprobaj zavałodać harełkaj. Nieŭzabavie paśla raspravy, nibyta, miascovaja ŭłada sprabavała schavać infarmacyju i prymusiła susiedziaŭ maŭčać.
Sud pryznaŭ Rau i Sopava vinavatymi ŭ niezakonnym praniknieńni ŭ žyllo i masavym zabojstvie, u tym liku małaletnich, pa matyvach nianaviści. Niahledziačy na vyniesieny prysud, padsudnyja nie pryznali svajoj viny i zajavili ab namiery abskardzić rašeńnie suda.
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem4
Kamientary