Hrodzienskaha aktyvista Ježy Hryhienču asudzili da 6 hadoŭ kałonii
Hrodzienski abłasny sud 21 listapada zavočna vynies prysud aktyvistu Ježy Hryhienču: šeść hadoŭ pazbaŭleńnia voli ŭ kałonii va ŭmovach ahulnaha režymu, a taksama štraf u pamiery 1000 bazavych vieličyniaŭ (40 000 rubloŭ). Spravu razhladaŭ sudździa Vasil Skok, paviedamlaje «Viasna». Aktyvista pryznali vinavatym pavodle čatyroch kryminalnych artykułaŭ.
Ježy Hryhienča — viadomy hrodzienski hramadska-palityčny aktyvist, jakoha raniej nieadnarazova zatrymlivali. Z 2020 hoda znachodzicca ŭ vymušanaj emihracyi. Śpiecvytvorčaść suprać jaho raspačali jašče ŭ listapadzie 2023 hoda. Pa miescy byłoha žycharstva aktyvista prajšli niekalki pieratrusaŭ, na majomaść Hryhienčy i jaho žonki nakładzieny aryšt.
Ježy Hryhienču abvinavacili pavodle č. 1 art. 130 (raspalvańnie inšaj sacyjalnaj varožaści), č. 1 art. 361-4 (sadziejničańnie ekstremisckaj dziejnaści), č. 2 art. 367 (paklop na Łukašenku), č. 1 art. 368 (abraza Łukašenki).
Spravu jahonuju pačali razhladać u Hrodzienskim abłasnym sudzie 11 listapada. Užo 21 listapada ŭ sudzie byŭ začytany prysud. Štraf pamieram 40 000 rubloŭ byŭ pryznačany za «abrazu Łukašenki».
Kamientary