Paśla taho jak admovili adrazu vypłacić vyjhryš.
Pasažyr biudžetnaj avijakampanii Ryanair, jaki vyjhraŭ u bliskavičnuju (mamientalnuju) łatareju na borcie samalota, u hnievie źjeŭ pryzavy bilet paśla taho, jak jamu admovili ŭ nieadkładnym atrymańni vyjhryšu.
Mužčyna, jaki lacieŭ z Polščy ŭ adzin z pravincyjnych brytanskich aeraportaŭ, nabyŭ łatarejny bilet u samalocie dy pabačyŭ, što jaho vyjhryš składaje 10 tys jeŭra.
Jon pakazaŭ bilet bortpravadnikam i zapatrabavaŭ nieadkładnaj vypłaty naležnych jamu hrošaj. Jamu admovili.
Raźjušany pasažyr – imia jakoha Ryanair nie raskryvaje – prystrašyŭ, što ŭ takim vypadku źjeść pryzavy bilet.
Pavodle słovaŭ pradstaŭnika avijakampanii Styviena Maknamary,
niekatoryja paputčyki pierakonvali ščaśliŭčyka nie haračycca, a pačakać pasadki,
kab potym razabracca ŭ aeraporcie. Ale pasažyr ŭ šale źjeŭ-taki svoj bilet.
Na dabračynnaść
Jak patłumačyŭ Maknamara, dla vypłaty vyjhryšu spačatku nieabchodna paćvierdzić asabistyja źviestki pieramožcy bliskavičnaj łatarei.
Pradstaŭnik Ryanair zaŭvažyŭ, što ściuardesy avijakampanii ŭ lubym vypadku
nie voziać z saboj najaŭnyja hrošy dla vypłaty vyjhryšaŭ, a sam pryz nieabchodna atrymać u kampanii-arhanizatara łatarei.
«Za apošnija dva hady ŭ takuju łatareju na borcie samalotaŭ Ryanair było vyjhrana 10 aŭtamabilaŭ, bolš za 300 tys jeŭra hrašovych pryzoŭ i bolš za 100 tys vaŭčaraŭ na paloty», - praciahnuŭ Styvien Maknamara.
Zhodna z zajavaj avijakampanii, niezapatrabavany vyjhryš budzie achviaravany na patreby adnoj z dabračynnych arhanizacyj.
Kamientary