Prapahanda sa skury lezie, kab pakazać Łukašenku blizkim da narodu. Dachodzić da absurdu.
Paŭhoda tamu na STB startavała prahrama «Svoi» — pra ludziej, jakija ŭ rozny čas sustrakalisia z Alaksandram Łukašenkam. Da hetaha času vyjšła 27 vypuskaŭ.
Kožny vypusk pačynajecca z charakternaha kadra: epizodu sustrečy Łukašenki z rabotnikami Minskaha zavoda kołavych ciahačoŭ u žniŭni 2020 hoda. Apracoŭka kadraŭ robić tvary ludziej u natoŭpie ciažkapaznavalnymi, pieratvarajučy ich u abstraktnuju masu. U centry — Łukašenka, jaki ŭzvyšajecca nad natoŭpam i, padobna Isusu, supakojvaje buru na mory.
Zatym — šerah kadraŭ, jakija demanstrujuć harmoniju i adzinstva Łukašenki i prostych ludziej. Tut jon kosić travu, tam kročyć napieradzie maładych ludziej, paśla pakazvajuć, jak jon pieradaje dziciaci nievialikuju butelečku i žvava niešta tłumačyć, a potym — jak pa-panibracku paciskaje ruku sielaninu.
Usio heta padvodzić da kadra, dzie Łukašenka siadzić siarod viaskoŭcaŭ, u ich u rukach — hrabli i kosy, a na ekranie źjaŭlajecca nazva: «Svoi». Hetaja nazva rehularna pieratvarajecca ŭ «Svoj», dzie ptušačka nad «j» kałarystyčna imituje nieasaviecki ściah, jaki byŭ viernuty Łukašenkam u 1995 hodzie.
Prosty ahlad zahałoŭkaŭ dy adredahavanych cytat stvaraje źmiešanaje adčuvańnie: śmiechatvorna-dramatyčnaje. Z 27 vypuskaŭ, što vyjšli da hetaha času, vymaloŭvajecca patrojny vobraz Łukašenki: člen siamji i blizki siabar, nacyjanalny kumir i… zvyšnaturalnaja postać.
Pryviadziem samyja dziŭnyja zahałoŭki.
«Jeŭ z Łukašenkam sup z adnaho harška!»
«Łukašenka — jasnavidziec!»
«Łukašenka trymaŭ jaje dzicia na rukach»
«Dvojčy spračaŭsia z Łukašenkam!»
«Upaŭ na kaleni pierad Łukašenkam!»
«Jaho šašłyk acaniŭ Łukašenka»
«Łukašenka na kaleniach u šachcie»
Niekatoryja vypuski zakranajuć balučyja temy: pra žančynu, što pieražyła nacysckija złačynstvy, dziaciej ź ciažkimi chvarobami abo chłopčyka, jaki vyratavaŭ brata z pažaru i sam paciarpieŭ.
Zdavałasia b, takija temy nie pavinny vykarystoŭvacca ŭ prapahandysckich metach. Ale nie — stvareńnie kultu važniejšaje za ŭsio.
Prahrama «Svoi», vidavočna, jość sprobaj asprečyć ujaŭleńni pra izalavanaść i addalenaść Łukašenki ad naroda, pakazvajučy jaho ŭ prostych i zrazumiełych kantekstach.
Prapahanda kazała, što Polšča zajzdrościć Biełarusi, bo ŭ jaje niama kasmanaŭta. Chutka budzie, i heta sapraŭdny navukoviec
Prapahanda piša, što syn eks-kiraŭnika MZS Ukrainy kupiŭ «Žalezny tron» za $1,5 miljona. Praŭda?
Prapahandysty pračytali novuju lekcyju za Łukašenku pad nazvaj «Dyktat? Ura!»
Što chavajecca za «śmiełymi pytańniami» studentaŭ Łukašenku?
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca7
Kamientary
«Łukašenka — jasnavidziec!»
«Łukašenka trymaŭ jaje dzicia na rukach»
«Dvojčy spračaŭsia z Łukašenkam!»
«Upaŭ na kaleni pierad Łukašenkam!»
«Jaho šašłyk acaniŭ Łukašenka»
«Łukašenka na kaleniach u šachcie»
...
nie chvatajet sierii «Łukašenka v banie pośle mis Biełaruś»