Usiaho patrochu

U Šviecyi asudzili mužčynu, jaki pjany kiravaŭ dronam. Takoje ŭpieršyniu ŭ historyi

55-hadovoha mužčynu z maleńkim bieśpiłotnikam aryštavali na fiestyvali kłasičnych aŭtamabilaŭ u šviedskim horadzie Retvik. Jaho pjanyja pavodziny, jak by heta iranična ni hučała, palicyja zaŭvažyła dziakujučy dronu. 

Ilustracyjnaja vyjava bieśpiłotnika. Fota: belstu.by

U Šviecyi vyniesieny pieršy prysud za kiravańnie dronam u stanie ałkaholnaha apjanieńnia. 55-hadovy mužčyna byŭ pryznany vinavatym za palot drona padčas fiestyvalu kłasičnych aŭtamabilaŭ u šviedskim horadzie Retvik, dzie vykarystańnie bieśpiłotnikaŭ było časova zabaroniena, piša vydańnie The Guardian. 

Palicyja zaŭvažyła dron mužčyny padčas vykarystańnia ŭłasnaha drona dla manitorynhu mierapryjemstva. Padčas pravierki palicyjanty vyjavili ŭ kryvi parušalnika 0,69 pramile ałkaholu, što vyšej za dapuščalnyja pakazčyki (zhodna sa šviedskim zakanadaŭstvam, karajecca ŭtrymańnie ałkaholu ŭ kryvi vyšej za 0,2 pramile, a 1 pramile ličycca surjoznym parušeńniem).

Spačatku mužčyna pryznaŭ, što kiravaŭ pryładaj, ale paźniej admoviŭsia ad svaich słovaŭ i abvinavaciŭ u pjanym kiravańniem drona svajho siabra, jaki adsutničaŭ na fiestyvali. Sud nie pryniaŭ hetaje tłumačeńnie i pryznačyŭ štraf u pamiery 32 tysiač šviedskich kron (kala 9500 biełaruskich rubloŭ), jaki mužčyna pavinien vypłacić na praciahu 80 dzion častkami, piša The Guardian.

Miascovaja prakuratura adznačyła, što choć i nie sustrakałasia raniej z takimi vypadkami, ale całkam zadavolena prysudam. U toj ža čas staršynia akruhovaha suda Karyn Chielmant patłumačyła, što pry vyniasieńni vierdyktu prymianiałasia taja ž škała pakarańnia, što i pry kiravańni aŭtamabilem u niećviarozym stanie. 

«Heta latajučy aparat. Niahledziačy na toje, što jon ruchajecca byccam samastojna, im kiruje čałaviek, jaki znachodzicca na ziamli. Dron moža ŭpaści ź vialikaj vyšyni i nanieści škodu ludziam ci majomaści», — padkreśliła Chielmant.

Padobny vierdykt staŭ pieršym precedentam u śviecie, niahledziačy na toje, što zakanadaŭstvy niekalkich krain (naprykład, taja ž Šviecyja, Japonija ci ZŠA) ź niadaŭniaha času stali zabaraniać kiravańnie dronami ŭ stanie ałkaholnaha apjanieńnia.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Siamja Capkałaŭ lehalizavałasia ŭ Ałbanii

Siamja Capkałaŭ lehalizavałasia ŭ Ałbanii

Usie naviny →
Usie naviny

U Hrodnie sabaka ŭciok z domu i ciapier katajecca pa horadzie na aŭtobusach i tralejbusach3

U Mieksicy zastrelili «kakainavaha karala Jeŭropy» 

Łaŭroŭ: Prypynieńnia bajavych dziejańniaŭ va Ukrainie pa linii sutyknieńnia nie budzie — «u nas jość Kanstytucyja»18

«Siadzieła i płakała ad zamiłavańnia». Razmova z Alesiaj Rak, žonkaj žurnalista Radyjo Svaboda Andreja Kuźniečyka1

Dalar apuściŭsia za 3,15 rubla

U Minsku ratyfikavali damovu, jakaja dazvalaje RF stvarać u Biełarusi vajennyja abjekty7

Minčuki skardziacca na bieły nalot na mašynach i abutku3

Ukrainskija desantniki adbili važny pasiołak pad Pakroŭskam2

«Kudy hladzić padatkovaja?» Fiermier u Minsku pradaje śvininu pa 80 rubloŭ — karystalniki ŭ šoku17

bolš čytanych navin
bolš łajkanych navin

Siamja Capkałaŭ lehalizavałasia ŭ Ałbanii

Siamja Capkałaŭ lehalizavałasia ŭ Ałbanii

Hałoŭnaje
Usie naviny →

Zaŭvaha:

 

 

 

 

Zakryć Paviedamić