Усяго патроху

У Швецыі асудзілі мужчыну, які п'яны кіраваў дронам. Такое ўпершыню ў гісторыі

55-гадовога мужчыну з маленькім беспілотнікам арыштавалі на фестывалі класічных аўтамабіляў у шведскім горадзе Рэтвік. Яго п'яныя паводзіны, як бы гэта іранічна ні гучала, паліцыя заўважыла дзякуючы дрону. 

Ілюстрацыйная выява беспілотніка. Фота: belstu.by

У Швецыі вынесены першы прысуд за кіраванне дронам у стане алкагольнага ап’янення. 55-гадовы мужчына быў прызнаны вінаватым за палёт дрона падчас фестывалю класічных аўтамабіляў у шведскім горадзе Рэтвік, дзе выкарыстанне беспілотнікаў было часова забаронена, піша выданне The Guardian. 

Паліцыя заўважыла дрон мужчыны падчас выкарыстання ўласнага дрона для маніторынгу мерапрыемства. Падчас праверкі паліцыянты выявілі ў крыві парушальніка 0,69 праміле алкаголю, што вышэй за дапушчальныя паказчыкі (згодна са шведскім заканадаўствам, караецца ўтрыманне алкаголю ў крыві вышэй за 0,2 праміле, а 1 праміле лічыцца сур’ёзным парушэннем).

Спачатку мужчына прызнаў, што кіраваў прыладай, але пазней адмовіўся ад сваіх словаў і абвінаваціў у п'яным кіраваннем дрона свайго сябра, які адсутнічаў на фестывалі. Суд не прыняў гэтае тлумачэнне і прызначыў штраф у памеры 32 тысяч шведскіх крон (каля 9500 беларускіх рублёў), які мужчына павінен выплаціць на працягу 80 дзён часткамі, піша The Guardian.

Мясцовая пракуратура адзначыла, што хоць і не сустракалася раней з такімі выпадкамі, але цалкам задаволена прысудам. У той жа час старшыня акруговага суда Карын Хельмант патлумачыла, што пры вынясенні вердыкту прымянялася тая ж шкала пакарання, што і пры кіраванні аўтамабілем у нецвярозым стане. 

«Гэта лятаючы апарат. Нягледзячы на тое, што ён рухаецца быццам самастойна, ім кіруе чалавек, які знаходзіцца на зямлі. Дрон можа ўпасці з вялікай вышыні і нанесці шкоду людзям ці маёмасці», — падкрэсліла Хельмант.

Падобны вердыкт стаў першым прэцэдэнтам у свеце, нягледзячы на тое, што заканадаўствы некалькіх краін (напрыклад, тая ж Швецыя, Японія ці ЗША) з нядаўняга часу сталі забараняць кіраванне дронамі ў стане алкагольнага ап'янення.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Беларусі збіраюцца праводзіць рэнавацыю па шляху Расіі — зносіць хрушчоўкі і перасяляць жыхароў40

У Беларусі збіраюцца праводзіць рэнавацыю па шляху Расіі — зносіць хрушчоўкі і перасяляць жыхароў

Усе навіны →
Усе навіны

Два беларускія дэпутаты з’ездзілі ў Вену. Канапацкая намякае, што была недзе побач17

Мінадукацыі ўводзіць электронную чаргу на апастыль1

Беларусь наведаў амерыканскі блогер на «ламбарджыні». Польскія памежнікі прапаноўвалі яму развярнуцца17

«Каб жыла Беларусь» — такі верш перадала Качанава Лукашэнку14

У Першым нацыянальным гандлёвым цэнтры адчыніўся аддзел МРЭА ДАІ3

Супрацоўніцы «Пеленга» далі два гады калоніі

На таргах даляр апусціўся да 3,17 рубля2

Еўрасаюз прапанаваў Украіне сваю здзелку па рэдказямельных металах7

Электраэнергія на поўначы Мінска вернута

больш чытаных навін
больш лайканых навін

У Беларусі збіраюцца праводзіць рэнавацыю па шляху Расіі — зносіць хрушчоўкі і перасяляць жыхароў40

У Беларусі збіраюцца праводзіць рэнавацыю па шляху Расіі — зносіць хрушчоўкі і перасяляць жыхароў

Галоўнае
Усе навіны →

Заўвага:

 

 

 

 

Закрыць Паведаміць