«Jak u Łondanie ci Madrydzie». U Breście budujuć niezvyčajny žyły kompleks z canoj mietra ad 4300 rubloŭ
Brest praciahvaje ździŭlać. Chutka ŭ centry horada na vulicy Famina, 33 pačniecca budaŭnictva kompleksu damoŭ, źniešni vyhlad jakich natchniony łondanskaj i madrydskaj architekturaj. Klinkierny fasad, funkcyjanalnyja płaniroŭki, prastornyja terasy — usio ŭžo možna acanić na vizualizacyjach, piša Onliner.
Zabudoŭščykam vystupaje «Paleśsiežyłbud». Žyły kompleks atrymaŭ nazvu «.CENTR». Jon raźmieścicca na skryžavańni vulic Hohala i Famina. Kvartał abjadnoŭvaje dźvie klučavyja łakacyi horada: nabiarežnuju i park kultury i adpačynku. Niedaloka ad doma znachodzicca Bresckaja krepaść i haradski sad.
Terytoryja kala doma budzie abharodžana. Tam uładkujuć dziciačuju placoŭku, viełaboks i zony adpačynku. Na pieršych pavierchach praduhledžany kamiercyjnyja pamiaškańni: mahaziny, kafe i punkty vydačy zakazaŭ.
Vonkava dom budzie vyłučacca fasadami ŭ jeŭrapiejskim styli, vykananymi z klinkiernaj cehły.
— Novy dom uvasobić u sabie tendencyi sučasnaj jeŭrapiejskaj architektury, — upeŭnieny zabudoŭščyk. — Pierš za ŭsio, heta budzie pryhožy budynak z fasadami, jakimi zachočacca lubavacca. My pastaralisia padkreślić pieravahi Bresta jak paŭdniovaha horada.
U paradnych zaprajektavany miescy dla zachoŭvańnia kalasak, viełasipiedaŭ i inšaha invientara.
Kvatery ŭ domie buduć mieć siarednija i pa fakcie samyja zapatrabavanyja płoščy — ad 59 da 82 kv. m. Jany ŭžo pastupili ŭ prodaž. Košt mietra — ad 4300 rubloŭ.
Zabudoŭščyk čakaje, što pieršymi pojduć kvatery z terasami i bałkonami na dva baki. Takija płaniroŭki ličacca redkaściu.
Pieršy dom u kompleksie budzie zdadzieny ŭ ekspłuatacyju ŭ žniŭni 2025 hoda.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary