Ministr pa nadzvyčajnych situacyjach raskazaŭ, jak paznajomiŭsia z žonkaj
«Karjera jaje była zahublena načysta».
Ministr pa nadzvyčajnych situacyjach Vadzim Siniaŭski raskazaŭ u kulinarnaj pieradačy na STB, jak paznajomiŭsia sa svajoj žonkaj.
Heta było ŭ 1989 hodzie. Jon išoŭ zajmacca prafaryjentacyjnaj pracaj ź dziećmi, a žonka paśla zaniatkaŭ va ŭniviersitecie hulała pa horadzie.
«Paznajomilisia kala kulinaryi. Mianie rabiaty paprasili kupić pirožnyja na dzień narodzinaŭ, nu i zadaŭ joj prostaje pytańnie: «Vitaju, jak vas zavuć?», — zhadvaje ministr.
U žniŭni 1990 para ažaniłasia. Ciapier u ich dvoje dziaciej.
«Žonka — samy nadziejny čałaviek u maim žyćci. Toje, što jana sa mnoj pražyła, napeŭna, ja b nie pažadaŭ nivodnaj žančynie prajści. Ja ž šmat razoŭ pierajazdžaŭ, a jana ni razu nie admoviłasia, tamu što ciažka i składana! Treba, napierad. Tamu karjera jaje była zahublena načysta», — raskazaŭ Siniaŭski.
U raniejšych intervju jon raskazvaŭ, što žonka pracavała hałoŭnym śpiecyjalistam u Hrodzienskim abłvykankamie (Siniaŭski da taho, jak stać ministram, uznačalvaŭ milicyju Hrodzienskaj vobłaści).
Kamientary