Rasijskija drony pierastali zalatać u Biełaruś, choć Ukrainu pa-raniejšamu atakujuć
Užo 10 dzion nie fiksujucca vypadki parušeńnia pavietranaj prastory Biełarusi rasijskimi dronami, choć hrupy «šachiedaŭ» Uzbrojenych sił RF nie spyniajuć zapuski na sumiežnyja z Homielščynaj Čarnihaŭskuju, Žytomirskuju i Kijeŭskuju vobłaści Ukrainy. Pryčym pavietranyja ataki adbyvajucca nie tolki nočču, jak raniej, ale i ranicaj, i ŭdzień — amal štodnia ciaham sutak. U tym liku — 24 vieraśnia, zaŭvažyŭ «Fłahštok».
Vidavočna, što rasijanie pačali źmianiać taktyku atak, i ŭžo z žniŭnia karcina stała nietypovaj.
Na hety momant, apošnija vypadki ŭvarvańnia rasijskich bieśpiłotnikaŭ u Biełaruś byli zafiksavany 14 vieraśnia. U toj dzień, pavodle źviestak ukrainskaha manitorynhavaha kanała jeRadar, u 10:26 było zaŭvažana ŭvarvańnie dvuch dronaŭ: u kirunku Homiela i Łojeva. Jašče adzin bieśpiłotnik u rajonie Łojeva źjaviŭsia na mapie, apublikavanaj u 19:03.
Tady adznačałasia, što sihnały niekatorych dronaŭ źnikali pierad zachodam u Biełaruś, a potym jany znoŭ źjaŭlalisia pry ŭvarvańni ŭ Žytomirskuju vobłaść.
Akramia taho, 14 vieraśnia, kala 01:40, pralot BpŁA čuli nad Homielem u rajonie 5‑ha mikrarajona, pisaŭ kanał «Realnaja Biełaruś».
U kamientary «Fłahštoku» aŭtar kanała jeRadar paćvierdziŭ, što z taho času ŭvarvańniaŭ rasijskich dronaŭ u Biełaruś sapraŭdy nie fiksavałasia.
Kamientary