Prezident ZŠA Donald Tramp rasparadziŭsia nakiravać vojski ŭ horad Portlend na zachadzie krainy, a taksama na abjekty Słužby imihracyi i mytnaha kantrolu (ICE). Jon zajaviŭ, što dazvalaje prymianiać poŭnuju siłu, kali heta budzie nieabchodna, ale nie ŭdakładniŭ, jakim uzbrajeńniem hetyja vojski buduć zabiaśpiečanyja.
«Pa prośbie ministra ŭnutranaj biaśpieki Kryści Noem ja daručaju ministru vajny Pitu Chiehsetu nakiravać usie nieabchodnyja vojski dla abarony zmučanaha vajnoj Portlenda i abjektaŭ ICE, jakija znachodziacca pad abłohaj z boku Antyfa i inšych unutranych terarystaŭ», — napisaŭ Tramp na płatformie Truth Social.
Rašeńnie Trampa ab uviadzieńni vojskaŭ u Portlend stała ŭžo čaćviortym pa liku paśla padobnych dziejańniaŭ u Łos-Andželesie, Vašynhtonie i Miemfisie.
Mer Portlenda Kit Uiłsan, pradstaŭnik Demakratyčnaj partyi, raniej vystupaŭ suprać uviadzieńnia vojskaŭ u horad i adznačaŭ, što jon nie prasiŭ i nie patrabuje ŭmiašańnia fiederalnaj ułady.
Pratesty ŭ Portlendzie kala ofisa ICE praciahvajucca niekalki miesiacaŭ. Jany vyklikanyja abureńniem mierami administracyi Trampa suprać nielehalnaj imihracyi. U paviedamleńni Trampa nie ŭdakładniajecca, jakija vojski buduć u hetaj apieracyi zadziejničanyja: Nacyjanalnaja hvardyja ci rehularnyja ŭzbrojenyja siły.
Jahonaja zajava źjaviłasia praź niekalki dzion paśla trahiedyi ŭ Techasie, dzie ŭ vyniku stralaniny na abjekcie ICE zahinuli dva čałavieki, a adzin paciarpieły znachodziŭsia ŭ krytyčnym stanie.
Łukašenka nazvaŭ siabie trampistam
AANaŭskaja pramova Trampa: pra eskałatar, jaki spyniŭsia prosta na chadu, suprać mihracyi i zialonaj enierhietyki
Artura Siańko pakinuli pad vartaj u ZŠA. Jamu pa-raniejšamu pahražaje departacyja
Adnaho ź lidaraŭ strajkama «Biełaruśkalija» źmiaścili ŭ imihracyjnuju turmu ZŠA
Ciapier čytajuć
Unučki Łukašenki paśpiachova zamacavalisia ŭ Rasii6
Kamientary