Złačyncu, jaki žorstka zabiŭ biełarusku ŭ lesie, znajšli praz 10 hadoŭ i asudzili
Trahiedyja adbyłasia jašče ŭ śniežni 2014 hoda.
Na lasnoj ściežcy pamiž vulicaj Pirahova ŭ Barysavie i darožna-budaŭničym upraŭleńniem №25 u vioscy Vuhły Barysaŭskaha rajona mužčyna napaŭ z nažom na 57‑hadovuju žančynu, adabraŭ u jaje sumku z hrašyma i źbieh. Na dniach sud vynies jamu prysud, paviedamlajecca na sajcie Viarchoŭnaha suda.
U dzień trahiedyi žančyna viartałasia dadomu praź les, kali na jaje raptoŭna napaŭ z nažom nieviadomy. Paraŭniaŭšysia z žančynaj, jon schapiŭ rukoj za sumku i pačaŭ vyryvać jaje, ad čaho žančyna ŭpała na ziamlu, ale sumku nie adpuściła.
Złačyniec nanios žančynie šmatlikija nažavyja ranieńni, ad jakich jana paźniej pamierła ŭ balnicy. Nieŭzabavie paśla złačynstva jon vyjechaŭ u Rasiju i tam chavaŭsia da sakavika 2025 hoda.
Tolki praź dziesiać hadoŭ paśla zabojstva ŭdałosia ŭstanavić asobu złačyncy i zatrymać jaho. Vyśvietliłasia, što jaho DNK supała z hienietyčnym materyjałam 42‑hadovaha inšaziemca, jaki niadaŭna adbyvaŭ pakarańnie ŭ miescach pazbaŭleńnia voli ŭ Rasii.
20 kastryčnika 2025 hoda Minskim abłasnym sudom było razhledžana kryminalnaja sprava pa abvinavačańni R. u ździajśnieńni złačynstvaŭ, praduhledžanych č. 3 art. 207 KK (u redakcyi Zakona Respubliki Biełaruś ad 09.07.1999 №275-3), pp. 6, 12 č. 2 art. 139 KK.
Zhodna z rašeńniem suda, abvinavačanamu było pryznačana pakarańnie ŭ vyhladzie pazbaŭleńnia voli na termin dvaccać čatyry hady kałonii ŭzmocnienaha režymu
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary
Atrymaŭ bilet u adzin kaniec.