Z 1 listapada ŭ Biełarusi pavyšajucca pamiery biudžetu pražytačnaha minimumu, paviedamlaje Ministerstva pracy i sacyjalnaj abarony.
Biudžet pražytačnaha minimumu ŭ siarednim na dušu nasielnictva ŭstanoŭleny ŭ pamiery 491,09 rubla — heta na 3,37 rubla (ci na 0,7%) vyšej u paraŭnańni z tym, što dziejničaŭ z 1 žniŭnia pa 31 kastryčnika.
Novy pamier BPM budzie dziejničać z 1 listapada 2025 hoda pa 31 studzienia 2026 hoda.
Apošni raz jaho pierahladali z 1 žniŭnia. Tady jon vyras na 5,4% i ŭ siarednim na dušu nasielnictva składaŭ 487,72 rubla.
Dla pracazdolnych biełarusaŭ biudžet pražytačnaha minimumu ŭ siarednim pavialičycca z 523,92 da 524,97 rubla, dla piensijanieraŭ — z 357,03 da 357,28 rubla, dla dziaciej da 3 hadoŭ — z 301,5 da 305,86 rubla, ad 3 da 6 hadoŭ — z 406,1 da 414,39 rubla, ad 6 da 18 hadoŭ — z 476,97 da 479,59 rubla.
U viedamstvie zajavili, što z pačatku hoda hety narmatyŭ pavysiŭsia na 12,2%, u toj čas jak uzrovień inflacyi za dzieviać miesiacaŭ skłaŭ 5,8%.
Uśled pavialičacca (taksama na 0,7%) i pryviazanyja da hetaha pakazčyka dapamohi na dziaciej, dapłaty piensijanieram i inšyja vypłaty. Naprykład, adnarazovaja dapamoha ŭ suviazi z naradžeńniem dziciaci, jakaja roŭnaja 10 BPM (4910,9 rubla), abo pry naradžeńni druhoha i nastupnych dziaciej — 14 BPM (6875,26 rubla).
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary