З 1 лістапада ў Беларусі павышаюцца памеры бюджэту пражытачнага мінімуму, паведамляе Міністэрства працы і сацыяльнай абароны.
Бюджэт пражытачнага мінімуму ў сярэднім на душу насельніцтва ўстаноўлены ў памеры 491,09 рубля — гэта на 3,37 рубля (ці на 0,7%) вышэй у параўнанні з тым, што дзейнічаў з 1 жніўня па 31 кастрычніка.
Новы памер БПМ будзе дзейнічаць з 1 лістапада 2025 года па 31 студзеня 2026 года.
Апошні раз яго пераглядалі з 1 жніўня. Тады ён вырас на 5,4% і ў сярэднім на душу насельніцтва складаў 487,72 рубля.
Для працаздольных беларусаў бюджэт пражытачнага мінімуму ў сярэднім павялічыцца з 523,92 да 524,97 рубля, для пенсіянераў — з 357,03 да 357,28 рубля, для дзяцей да 3 гадоў — з 301,5 да 305,86 рубля, ад 3 да 6 гадоў — з 406,1 да 414,39 рубля, ад 6 да 18 гадоў — з 476,97 да 479,59 рубля.
У ведамстве заявілі, што з пачатку года гэты нарматыў павысіўся на 12,2%, у той час як узровень інфляцыі за дзевяць месяцаў склаў 5,8%.
Услед павялічацца (таксама на 0,7%) і прывязаныя да гэтага паказчыка дапамогі на дзяцей, даплаты пенсіянерам і іншыя выплаты. Напрыклад, аднаразовая дапамога ў сувязі з нараджэннем дзіцяці, якая роўная 10 БПМ (4910,9 рубля), або пры нараджэнні другога і наступных дзяцей — 14 БПМ (6875,26 рубля).
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары